ଗଞ୍ଜାମ ଜିଲ୍ଲାର ପାରମ୍ପରିକ ଶାରଦୀୟ
ଉତ୍ସବ କୁମାର ପୂର୍ଣ୍ଣିମା ପାଳନ ଅବସରରେ ଜୁଆ ଖେଳ #ବ୍ରହ୍ମପୁର ସହରରେ ଲୋକପ୍ରିୟତା ହାସଲର ବିଭିନ୍ନ
କାରଣ ମଧ୍ୟରେ ଦେଶାନ୍ତର ଗମନ ଓ ଆଗମନ ଅନ୍ୟତମ । ଇତିହାସ ପୃଷ୍ଠାରୁ ଜାଣିବାକୁ ମିଳେ ଯେ ମହୁରି
ରାଜବାଟୀକୁ ଘେରି ବ୍ରହ୍ମପୁର ଜନପଦ କ୍ରମବିକଶିତ ଅବସ୍ଥାରେ ପଡ଼ୋଶୀ ରାଜ୍ୟରୁ ବୁଣାକାର
ସଂପ୍ରଦାୟଙ୍କୁ ଏଠାରେ ସ୍ଥାୟୀଭାବେ ବସବାସ ତଥା ବ୍ୟବସାୟ କରିବା ନିମନ୍ତେ ରାଜ ପରିବାର
ପ୍ରୋତ୍ସାହିତ କରିଥିଲେ । ମହୁରି ରାଜ୍ୟ ହାଇଦରାବାଦ ନିଜାମଙ୍କ ଅଧୀନ ଥିବା ଅବସରରେ
ଦାକ୍ଷିଣତ୍ୟ ସଂଯୋଗ ରହିଆସିଥିଲା । ଫରାସୀ ଶାସନ ଶେଷ ଓ ଇଂଲିଶ ଶାସନ ଆରମ୍ଭ ସନ୍ଧିକାଳରେ ବିଜୟନଗର
ଜମିଦାରଙ୍କ କରଭାର ଓ ଅନାବୃଷ୍ଟିରେ ପ୍ରପୀଡ଼ିତ ଗଞ୍ଜାମ ଜିଲ୍ଲାର ବହୁ ପରିବାର କୋରାପୁଟ,
କଳାହାଣ୍ଡି, ଫୁଲବାଣୀ ମାଳଅଞ୍ଚଳ ଚାଲିଯିବାପରେ ସ୍ଥାନୀୟ ଜମିବାଡ଼ି ଅଣଚାଷିତ ଅବସ୍ଥାରେ ପଡ଼ି
ରହିଥିଲା । ବ୍ରିଟିଶ ପ୍ରଶାସକଗଣ ଶ୍ରୀକାକୁଲମ ଓ ପଡ଼ୋଶୀ ଅଞ୍ଚଳରୁ ଚାଷୀଙ୍କୁ ଆଣି ସହର ତଥା
ସହରତଳି ଅଞ୍ଚଳରେ ଅବସ୍ଥାପିତ କରାଇଥିଲେ । ସ୍ୱତନ୍ତ୍ର ଓଡ଼ିଶା ପ୍ରଦେଶ ଗଠନ ଯାଏଁ ବ୍ରହ୍ମପୁର
ମାଡ୍ରାସ ପ୍ରେସିଡ଼େନ୍ସି ଅଧୀନସ୍ଥ ଥିବା ହେତୁ ପ୍ରଶାସନ, ବ୍ୟବସାୟ, ଶିକ୍ଷା, ସ୍ୱାସ୍ଥ୍ୟ ଓ
ସାଂସ୍କୃତିକ ଇତ୍ୟାଦି ବିଭିନ୍ନ କ୍ଷେତ୍ରରେ ମାଡ୍ରାସ ସହ ସଂପୃକ୍ତ ରହିଆସିଥିଲା । ଫଳରେ
ଲୋକଙ୍କ ଯିବାଆସିବା ଲାଗି ରହିଥିଲା ।
ଊନବିଂଶ ଶତାଦ୍ଦୀ ଦ୍ୱିତୀୟାର୍ଦ୍ଧରେ ଗୋପାଳପୁର ବନ୍ଦର, ବିଂଶ ଶତାଦ୍ଦୀ ଆରମ୍ଭରୁ ରେଳପଥ ଓ ମଧ୍ୟଭାଗରୁ ଜାତୀୟ ରାଜପଥ ସଂଯୋଗ କାଳରେ କେବଳ ଗଞ୍ଜାମ ଜିଲ୍ଲା କାହିଁକି ସମଗ୍ର ଦକ୍ଷିଣ ଓଡ଼ିଶାବାସୀ ବ୍ରହ୍ମପୁର ସହର ଦେଇ ଅନ୍ୟ ରାଜ୍ୟକୁ ଚଳପ୍ରଚଳ ହେଲେ । ଫଳରେ ସହରରେ କ୍ରମାଗତ ବୈଦେଶିକ ସାଂସ୍କୃତିକ ପ୍ରଭାବ ଜାରୀ ରହିଲା । ବ୍ରହ୍ମପୁର ମୂଳରୁ ଏକ ନଗରସଭ୍ୟତା କେନ୍ଦ୍ରୀକ ମାନସିକତା ‘କସମୋପଲିଟିଆନ ଆଉଟଲୁକ’ ନେଇ ବିକଶିତ ହୋଇଆସିଛି । ବ୍ୟାପକ ଦେଶାନ୍ତର ଗମନ ଓ ଆଗମନ ଦ୍ୱାରା ସ୍ଥାନୀୟ ଅର୍ଥନୀତି ସୁଦୃଢ ହୋଇପାରିଥିବା ବେଳେ ‘ଜୁଆ’ ଭଳି କେତେକ ମନୋରଞ୍ଜକ ଅବସର ବିନୋଦନକୁ ମଧ୍ୟ ଏଡ଼ାଇଦେଇ ପାରିନାହିଁ ।
ଏକବିଂଶ ଶତାଦ୍ଦୀର ପ୍ରଥମ ଦୁଇ ଦଶକ, ବିଶେଷକରି ଦ୍ୱିତୀୟ ଦଶକର ମଧ୍ୟଭାଗରୁ ୪ଜି ଟେଲିଯୋଗାଯୋଗ ପରିବ୍ୟାପ୍ତି ପରେ ଜନସାଧାରଣଙ୍କ ଭର୍ଚୁଆଲ ଉପସ୍ଥିତି ବଢ଼ିବା ପରେ ସମଗ୍ର ଭାରତରେ ଅନଲାଇନ ଗେମିଂ ଶିଳ୍ପର ବ୍ୟାପକ ଅଭିବୃଦ୍ଧି ଘଟିଛି । ବିଶେଷଜ୍ଞଙ୍କ ଦ୍ୱାରା ଉପସ୍ଥାପିତ ତଥ୍ୟ ଅନୁଯାୟୀ ଭାରତରେ ପଚାଶ କୋଟି ଯାଏଁ ନାଗରିକ ଅନଲାଇନ ଗେମ ଖେଳନ୍ତି । ଅବଶ୍ୟ ଏଥି ମଧ୍ୟରେ କେତେକାଂଶ ହିଁ ଖେଳରେ ବେଟିଂ କରିଥାନ୍ତି । ଦେଶର କେବଳ ତିନିଗୋଟି ରାଜ୍ୟ ଓଡ଼ିଶା, ଆନ୍ଧ୍ର ପ୍ରଦେଶ ଓ ତାମିଲନାଡୁରେ ଅନଲାଇନ ଗେମରେ ବେଟିଂ ଆଇନତଃ ଅପରାଧ ଘୋଷିତ ହୋଇଛି । ଅନଲାଇନ ଗେମ ଆୟୋଜକ କମ୍ପାନୀମାନେ ସରକାରଙ୍କୁ ସର୍ଭିସ ଟିକସ ଓ ପ୍ରଚଳିତ ଜିଏସଟି ପ୍ରଦାନ କରିଥାନ୍ତି । ତାମିଲନାଡୁ ସମେତ କର୍ଣ୍ଣାଟକ, ମହାରାଷ୍ଟ୍ର ଓ ଦିଲ୍ଲୀ ଏନସିଆର ରାଜ୍ୟରୁ ସର୍ବାଧିକ ଟିକସ ସଂଗୃହୀତ ହୋଇଥାଏ ।
କୁହାଯାଉଛି ଯେ ବ୍ରହ୍ମପୁରରେ ଅନଲାଇନ ବେଟିଂର ଲୋକପ୍ରିୟତା ବଢୁଛି । ସହରାଞ୍ଚଳରେ ଏହି ଧାରା ପ୍ରସାର ଲାଭ କରିବା ସ୍ୱାଭାବିକ । କିନ୍ତୁ ତାମିଲନାଡୁ, କର୍ଣ୍ଣାଟକ, ମହାରାଷ୍ଟ୍ର ଓ ଦିଲ୍ଲୀ ଏନସିଆର ଭଳି ରାଜ୍ୟରେ ଗଞ୍ଜାମର ଦେଶାନ୍ତରୀ ଶ୍ରମିକମାନେ ପହଞ୍ଚୁଥିବା ହେତୁ ସେଠାକାର ଲୋକପ୍ରିୟ ଅନଲାଇନ ବେଟିଂରେ ପ୍ରଭାବିତ ହେଉଥିବା ଆଶଙ୍କାକୁ ଏଡ଼ାଇ ଦେଇହୁଏ ନାହିଁ । ଓଡ଼ିଶାରେ ଅନଲାଇନ ବେଟିଂ ନିଷିଦ୍ଧ ହୋଇଥିବା ହେତୁ ଖବରୀଙ୍କ ସୂଚ଼ନାପ୍ରକାରେ ପୋଲିସ ପକ୍ଷରୁ ଆଡ୍ଡାଗୁଡ଼ିକରେ ଚ଼ଢାଉ ହୁଏ । କୁମାର ପୂର୍ଣ୍ଣିମା ଆଗପଛ ଦୁଇ ମାସରେ ଏହାର ପରିମାଣ ବଢ଼େ । ତେବେ ଖେଳାଳୀମାନେ ଅନଲାଇନ ଗେମ ପାଇଁ ଟଙ୍କାପଇସା ବ୍ୟବହାର ନକରିବା ଧାରା ଆରମ୍ଭ ହୋଇଥିବା ଚର୍ଚ୍ଚା କରାଯାଏ । ଧରପଗଡ଼ରେ ନଗଦ ଟଙ୍କା ଜବତ ନହୋଇପାରିଲେ ଗିରଫ ଜୁଆଡ଼ିମାନେ ତୁରନ୍ତ ଜାମିନ ପାଇଯିବା ସଂଭବଥିବା ହେତୁ ସେଥିପ୍ରତି ଆକର୍ଷିତ ହେଉଥିବା ଜଣାଯାଏ । ତେବେ ଜୁଆରେ ତତ୍ କ୍ଷଣାତ ଅର୍ଥ ହାତବଦଳ ନହେଲେ ଠକାମୀ ଓ ପ୍ରତାରଣାର ମଧ୍ୟ ଭୟ ରହିଥାଏ ।
ଜୁଆ ମନୋରଞ୍ଜକ ଅବସର ବିନୋଦନ ବିବେଚ଼ିତ ହେଲେହେଁ ଜୁଆର ମାଦକତା ସ୍ଥଳବିଶେଷରେ ବ୍ୟକ୍ତିବିଶେଷଙ୍କୁ ଆର୍ଥିକ ଦୁରାବସ୍ଥା ମଧ୍ୟକୁ ଠେଲି ଦେଇଥାଏ । ଏକ ବିବରଣୀ ଅନୁଯାୟୀ ଅନଲାଇନ ବେଟିଂରେ ଅର୍ଥ ହରାଇ ତାମିଲନାଡୁରେ ୨୦୨୦ରୁ ୨୦୨୨ ମଧ୍ୟରେ ପ୍ରାୟ କୋଡ଼ିଏ ଜଣ ଆତ୍ମହତ୍ୟା କରିଥିଲେ । ତାମିଲନାଡୁରେ ରାଜ୍ୟ ସରକାରଙ୍କ ପକ୍ଷରୁ ପ୍ରବର୍ତ୍ତିତ ଅନଲାଇନ ବେଟିଂ ନିଷିଦ୍ଧ ଆଇନକୁ ମାଡ୍ରାସ ହାଇକୋର୍ଟ ୨୦୨୧ରେ ଖାରଜ କରିଦେବାପରେ ୨୦୨୨ ସେପ୍ଟେମ୍ୱର ଶେଷ ସପ୍ତାହରେ ଅନୁରୂପ ଏକ ଅର୍ଡିନାନ୍ସ ଜାରୀ କରିବା ନିମନ୍ତେ ପଦକ୍ଷେପ ଗ୍ରହଣ କରାଯାଇଥିଲା । ଅପରପକ୍ଷେ ଅନଲାଇନ ଗେମିଂରେ ଦ୍ରବ୍ୟ-ସେବା-କର ‘ଜିଏସଟି’ ନିର୍ଦ୍ଧାରଣ ନିମନ୍ତେ କେନ୍ଦ୍ର ସରକାର ଏକ ମନ୍ତ୍ରୀସ୍ତରୀୟ କମିଟି ଗଠିତ ହୋଇଛି । ଅକ୍ଟୋବର ୨୦୨୨ରେ ସେମାନେ ରିପୋର୍ଟ ଉପସ୍ଥାପନ କରିବା ଆଶା କରାଯାଉଛି । ଅନଲାଇନ ବେଟିଂ ଆଇନାନୁମୋଦିତ ହେଲେ ସରକାର ୨୮ ପ୍ରତିଶତ ଜିଏସଟି ସାଙ୍ଗକୁ ଜୁଆ ଆୟ ଉପରେ ୨୦ ରୁ ୩୦ ପ୍ରତିଶତ ଯାଏଁ ଆୟକର ପାଇପାରିବା ହିସାବ କରାଯାଏ । କେନ୍ଦ୍ର ସରକାରଙ୍କ ପକ୍ଷରୁ ଅନଲାଇନ ଗେମିଂ ନିୟନ୍ତ୍ରଣ କରିବା ପାଇଁ ସ୍ୱତନ୍ତ୍ର ଆଇନ ପ୍ରଣୟନ ନିମନ୍ତେ ମଧ୍ୟ ଉଦ୍ୟମ ଆରମ୍ଭ ହୋଇଥିବା ଜଣାଯାଏ । ଏହି ପରିବେଶରେ ଭାରତରେ ଅନଲାଇନ ଗେମିଂ ଶିଳ୍ପର ବାର୍ଷିକ କାରବାର ପ୍ରାୟ ଷୋହଳ ହଜାର କୋଟି ଟଙ୍କା ଦର୍ଶାଯାଉଥିବା ସ୍ଥଳେ ବାର୍ଷିକ ୩୫ ପ୍ରତିଶତ ହାରରେ ଅଭିବୃଦ୍ଧି ଘଟୁଥିବା ହିସାବ କରାଯାଇଥାଏ ।
ଊନବିଂଶ ଶତାଦ୍ଦୀ ଦ୍ୱିତୀୟାର୍ଦ୍ଧରେ ଗୋପାଳପୁର ବନ୍ଦର, ବିଂଶ ଶତାଦ୍ଦୀ ଆରମ୍ଭରୁ ରେଳପଥ ଓ ମଧ୍ୟଭାଗରୁ ଜାତୀୟ ରାଜପଥ ସଂଯୋଗ କାଳରେ କେବଳ ଗଞ୍ଜାମ ଜିଲ୍ଲା କାହିଁକି ସମଗ୍ର ଦକ୍ଷିଣ ଓଡ଼ିଶାବାସୀ ବ୍ରହ୍ମପୁର ସହର ଦେଇ ଅନ୍ୟ ରାଜ୍ୟକୁ ଚଳପ୍ରଚଳ ହେଲେ । ଫଳରେ ସହରରେ କ୍ରମାଗତ ବୈଦେଶିକ ସାଂସ୍କୃତିକ ପ୍ରଭାବ ଜାରୀ ରହିଲା । ବ୍ରହ୍ମପୁର ମୂଳରୁ ଏକ ନଗରସଭ୍ୟତା କେନ୍ଦ୍ରୀକ ମାନସିକତା ‘କସମୋପଲିଟିଆନ ଆଉଟଲୁକ’ ନେଇ ବିକଶିତ ହୋଇଆସିଛି । ବ୍ୟାପକ ଦେଶାନ୍ତର ଗମନ ଓ ଆଗମନ ଦ୍ୱାରା ସ୍ଥାନୀୟ ଅର୍ଥନୀତି ସୁଦୃଢ ହୋଇପାରିଥିବା ବେଳେ ‘ଜୁଆ’ ଭଳି କେତେକ ମନୋରଞ୍ଜକ ଅବସର ବିନୋଦନକୁ ମଧ୍ୟ ଏଡ଼ାଇଦେଇ ପାରିନାହିଁ ।
ଏକବିଂଶ ଶତାଦ୍ଦୀର ପ୍ରଥମ ଦୁଇ ଦଶକ, ବିଶେଷକରି ଦ୍ୱିତୀୟ ଦଶକର ମଧ୍ୟଭାଗରୁ ୪ଜି ଟେଲିଯୋଗାଯୋଗ ପରିବ୍ୟାପ୍ତି ପରେ ଜନସାଧାରଣଙ୍କ ଭର୍ଚୁଆଲ ଉପସ୍ଥିତି ବଢ଼ିବା ପରେ ସମଗ୍ର ଭାରତରେ ଅନଲାଇନ ଗେମିଂ ଶିଳ୍ପର ବ୍ୟାପକ ଅଭିବୃଦ୍ଧି ଘଟିଛି । ବିଶେଷଜ୍ଞଙ୍କ ଦ୍ୱାରା ଉପସ୍ଥାପିତ ତଥ୍ୟ ଅନୁଯାୟୀ ଭାରତରେ ପଚାଶ କୋଟି ଯାଏଁ ନାଗରିକ ଅନଲାଇନ ଗେମ ଖେଳନ୍ତି । ଅବଶ୍ୟ ଏଥି ମଧ୍ୟରେ କେତେକାଂଶ ହିଁ ଖେଳରେ ବେଟିଂ କରିଥାନ୍ତି । ଦେଶର କେବଳ ତିନିଗୋଟି ରାଜ୍ୟ ଓଡ଼ିଶା, ଆନ୍ଧ୍ର ପ୍ରଦେଶ ଓ ତାମିଲନାଡୁରେ ଅନଲାଇନ ଗେମରେ ବେଟିଂ ଆଇନତଃ ଅପରାଧ ଘୋଷିତ ହୋଇଛି । ଅନଲାଇନ ଗେମ ଆୟୋଜକ କମ୍ପାନୀମାନେ ସରକାରଙ୍କୁ ସର୍ଭିସ ଟିକସ ଓ ପ୍ରଚଳିତ ଜିଏସଟି ପ୍ରଦାନ କରିଥାନ୍ତି । ତାମିଲନାଡୁ ସମେତ କର୍ଣ୍ଣାଟକ, ମହାରାଷ୍ଟ୍ର ଓ ଦିଲ୍ଲୀ ଏନସିଆର ରାଜ୍ୟରୁ ସର୍ବାଧିକ ଟିକସ ସଂଗୃହୀତ ହୋଇଥାଏ ।
କୁହାଯାଉଛି ଯେ ବ୍ରହ୍ମପୁରରେ ଅନଲାଇନ ବେଟିଂର ଲୋକପ୍ରିୟତା ବଢୁଛି । ସହରାଞ୍ଚଳରେ ଏହି ଧାରା ପ୍ରସାର ଲାଭ କରିବା ସ୍ୱାଭାବିକ । କିନ୍ତୁ ତାମିଲନାଡୁ, କର୍ଣ୍ଣାଟକ, ମହାରାଷ୍ଟ୍ର ଓ ଦିଲ୍ଲୀ ଏନସିଆର ଭଳି ରାଜ୍ୟରେ ଗଞ୍ଜାମର ଦେଶାନ୍ତରୀ ଶ୍ରମିକମାନେ ପହଞ୍ଚୁଥିବା ହେତୁ ସେଠାକାର ଲୋକପ୍ରିୟ ଅନଲାଇନ ବେଟିଂରେ ପ୍ରଭାବିତ ହେଉଥିବା ଆଶଙ୍କାକୁ ଏଡ଼ାଇ ଦେଇହୁଏ ନାହିଁ । ଓଡ଼ିଶାରେ ଅନଲାଇନ ବେଟିଂ ନିଷିଦ୍ଧ ହୋଇଥିବା ହେତୁ ଖବରୀଙ୍କ ସୂଚ଼ନାପ୍ରକାରେ ପୋଲିସ ପକ୍ଷରୁ ଆଡ୍ଡାଗୁଡ଼ିକରେ ଚ଼ଢାଉ ହୁଏ । କୁମାର ପୂର୍ଣ୍ଣିମା ଆଗପଛ ଦୁଇ ମାସରେ ଏହାର ପରିମାଣ ବଢ଼େ । ତେବେ ଖେଳାଳୀମାନେ ଅନଲାଇନ ଗେମ ପାଇଁ ଟଙ୍କାପଇସା ବ୍ୟବହାର ନକରିବା ଧାରା ଆରମ୍ଭ ହୋଇଥିବା ଚର୍ଚ୍ଚା କରାଯାଏ । ଧରପଗଡ଼ରେ ନଗଦ ଟଙ୍କା ଜବତ ନହୋଇପାରିଲେ ଗିରଫ ଜୁଆଡ଼ିମାନେ ତୁରନ୍ତ ଜାମିନ ପାଇଯିବା ସଂଭବଥିବା ହେତୁ ସେଥିପ୍ରତି ଆକର୍ଷିତ ହେଉଥିବା ଜଣାଯାଏ । ତେବେ ଜୁଆରେ ତତ୍ କ୍ଷଣାତ ଅର୍ଥ ହାତବଦଳ ନହେଲେ ଠକାମୀ ଓ ପ୍ରତାରଣାର ମଧ୍ୟ ଭୟ ରହିଥାଏ ।
ଜୁଆ ମନୋରଞ୍ଜକ ଅବସର ବିନୋଦନ ବିବେଚ଼ିତ ହେଲେହେଁ ଜୁଆର ମାଦକତା ସ୍ଥଳବିଶେଷରେ ବ୍ୟକ୍ତିବିଶେଷଙ୍କୁ ଆର୍ଥିକ ଦୁରାବସ୍ଥା ମଧ୍ୟକୁ ଠେଲି ଦେଇଥାଏ । ଏକ ବିବରଣୀ ଅନୁଯାୟୀ ଅନଲାଇନ ବେଟିଂରେ ଅର୍ଥ ହରାଇ ତାମିଲନାଡୁରେ ୨୦୨୦ରୁ ୨୦୨୨ ମଧ୍ୟରେ ପ୍ରାୟ କୋଡ଼ିଏ ଜଣ ଆତ୍ମହତ୍ୟା କରିଥିଲେ । ତାମିଲନାଡୁରେ ରାଜ୍ୟ ସରକାରଙ୍କ ପକ୍ଷରୁ ପ୍ରବର୍ତ୍ତିତ ଅନଲାଇନ ବେଟିଂ ନିଷିଦ୍ଧ ଆଇନକୁ ମାଡ୍ରାସ ହାଇକୋର୍ଟ ୨୦୨୧ରେ ଖାରଜ କରିଦେବାପରେ ୨୦୨୨ ସେପ୍ଟେମ୍ୱର ଶେଷ ସପ୍ତାହରେ ଅନୁରୂପ ଏକ ଅର୍ଡିନାନ୍ସ ଜାରୀ କରିବା ନିମନ୍ତେ ପଦକ୍ଷେପ ଗ୍ରହଣ କରାଯାଇଥିଲା । ଅପରପକ୍ଷେ ଅନଲାଇନ ଗେମିଂରେ ଦ୍ରବ୍ୟ-ସେବା-କର ‘ଜିଏସଟି’ ନିର୍ଦ୍ଧାରଣ ନିମନ୍ତେ କେନ୍ଦ୍ର ସରକାର ଏକ ମନ୍ତ୍ରୀସ୍ତରୀୟ କମିଟି ଗଠିତ ହୋଇଛି । ଅକ୍ଟୋବର ୨୦୨୨ରେ ସେମାନେ ରିପୋର୍ଟ ଉପସ୍ଥାପନ କରିବା ଆଶା କରାଯାଉଛି । ଅନଲାଇନ ବେଟିଂ ଆଇନାନୁମୋଦିତ ହେଲେ ସରକାର ୨୮ ପ୍ରତିଶତ ଜିଏସଟି ସାଙ୍ଗକୁ ଜୁଆ ଆୟ ଉପରେ ୨୦ ରୁ ୩୦ ପ୍ରତିଶତ ଯାଏଁ ଆୟକର ପାଇପାରିବା ହିସାବ କରାଯାଏ । କେନ୍ଦ୍ର ସରକାରଙ୍କ ପକ୍ଷରୁ ଅନଲାଇନ ଗେମିଂ ନିୟନ୍ତ୍ରଣ କରିବା ପାଇଁ ସ୍ୱତନ୍ତ୍ର ଆଇନ ପ୍ରଣୟନ ନିମନ୍ତେ ମଧ୍ୟ ଉଦ୍ୟମ ଆରମ୍ଭ ହୋଇଥିବା ଜଣାଯାଏ । ଏହି ପରିବେଶରେ ଭାରତରେ ଅନଲାଇନ ଗେମିଂ ଶିଳ୍ପର ବାର୍ଷିକ କାରବାର ପ୍ରାୟ ଷୋହଳ ହଜାର କୋଟି ଟଙ୍କା ଦର୍ଶାଯାଉଥିବା ସ୍ଥଳେ ବାର୍ଷିକ ୩୫ ପ୍ରତିଶତ ହାରରେ ଅଭିବୃଦ୍ଧି ଘଟୁଥିବା ହିସାବ କରାଯାଇଥାଏ ।
(‘ଅନୁପମ ଭାରତ’, ବ୍ରହ୍ମପୁର ସଂସ୍କରଣ / ୮ ଅକ୍ଟୋବର ୨୦୨୨/ ପୃଷ୍ଠା : ୨)
Photo by Jack Hamilton on Unsplash
No comments:
Post a Comment