ପାଣିପାଗ ଏଣିକି #ବ୍ରହ୍ମପୁର ସହରବାସୀଙ୍କ
ଦୈନନ୍ଦିନ ଚର୍ଚ୍ଚାର ବିଷୟବସ୍ତୁ । ମାତ୍ର କୋଡ଼ିଏ-ପଚ଼ିଶି ବର୍ଷ ପୂର୍ବେ ବିଂଶ ଶତାଦ୍ଦୀ ଶେଷ
ସୁଦ୍ଧା ମହାବାତ୍ୟା ପହଞ୍ଚିବା ଦଶ-ବାର ଘଣ୍ଟା ଆଗରୁ ବିପତ୍ତି ଖବର ମିଳିବା ମୁସ୍କିଲ ଥିଲା । କିନ୍ତୁ ଏକବିଂଶ ଶତାଦ୍ଦୀ ତୃତୀୟ ଦଶକ ଆରମ୍ଭରେ ସୁଦୂର
ଫିଲିପାଇନ୍ସ, ଥାଇଲ୍ୟାଣ୍ଡ ବା ଅଣ୍ଡାମାନ-ନିକୋବର ଦ୍ୱୀପପୁଞ୍ଜ ସଂଲଗ୍ନ ଭାରତ ମହାସାଗରରେ
ଲଘୁଚାପ ଦାନା ବାନ୍ଧିବା ଢ଼େର ଆଗରୁ ବ୍ରହ୍ମପୁରବାସୀ ସମ୍ଭାବ୍ୟ ବାତ୍ୟା ଆକଳନରେ ସପ୍ତାହରୁ
ଦୁଇ ସପ୍ତାହ ଟେଲିଭିଜନରୁ ସୋସିଆଲ ମିଡ଼ିଆ ଯାଏଁ ଆଲୋଚ଼ନାରେ ସଂପୃକ୍ତ ରହୁଛନ୍ତି ।
ବିଗତ ୧୯୯୯ ମହାବାତ୍ୟା ବେଳକୁ ଦେଶର ପାଣିପାଗ ଆକଳନ ନିମନ୍ତେ ବିଭାଗ ଥିଲା ସତ, କିନ୍ତୁ ଆବଶ୍ୟକୀୟ ସାଜସରଞ୍ଜାମ ଅଭାବ ରହିଥିଲା । ମହାବାତ୍ୟା ଦିନ ଅପରାହ୍ନ ଦୁଇଟାରୁ ପ୍ରବଳ ବର୍ଷା ଆରମ୍ଭ ହୋଇ ସନ୍ଧ୍ୟା ପାଞ୍ଚରୁ ସାତ ଯାଏଁ ଥମି ଯାଇଥିଲା । ଯିଏ ଯେଉଁଠିଥିଲେ ସଅଳ ଘରକୁ ଫେରିବାପରେ ରାତି ଆଠ-ନଅରୁ ପବନ ସହ ବର୍ଷା ଆରମ୍ଭ ହୋଇଗଲା । ସହରବାସୀ ଟେଲିଭିଜନରେ ବାତ୍ୟା ଖବର ପାଇବା ବେଳକୁ ବିଦ୍ୟୁତ ସରବରାହ ବନ୍ଦ ହେତୁ ଟେଲିଭିଜନ ପ୍ରସାରଣ ବନ୍ଦ ହୋଇଯାଇଥିଲା । ଆଲମିରାରେ ସାଇତା ପୁରୁଣା ଟ୍ରାଞ୍ଜିଷ୍ଟର ଖୋଜି ବ୍ରହ୍ମପୁର ଆକାଶବାଣୀ ଖୋଲିବା ପରେ ରାତି ଦଶ ବେଳକୁ ଗେଟବଜାର-ଲୋଚାପଡ଼ା ଗଡ଼ାଣିରାସ୍ତାରେ ଅବସ୍ଥିତ ଆକାଶବାଣୀ କେନ୍ଦ୍ର କୋଠାରେ ପାଣି ପଶିଯିବା ଫଳରେ ପ୍ରସାରଣ ବନ୍ଦ । ରାତି ଏଗାରରୁ ତିନିଟା ଚାରିଟା ଯାଏଁ ସହରରେ ମହାବାତ୍ୟା ତାଣ୍ଡବ ରଚାଇଲା । ବ୍ରହ୍ମପୁରବାସୀ ବାତ୍ୟା-ପର ଆଲୋଚ଼ନା କଲେ ସିନା ବାତ୍ୟା-ପୂର୍ବ ଆଲୋଚ଼ନାର ସୁଯୋଗ ପାଇପାରି ନଥିଲେ ।
ଏକବିଂଶ ଶତାଦ୍ଦୀ ଦ୍ୱିତୀୟ ଦଶକ ଆରମ୍ଭରୁ ଭାରତର ପାଣିପାଗ ଆକଳନ କ୍ଷେତ୍ରରେ ଅତ୍ୟାଧୁନିକ ବିଭିନ୍ନ କିସମର ରାଡ଼ାର ଓ ଉପଗ୍ରହ ସେବା ଭଳି ସାଜସରଞ୍ଜାମ ସାଙ୍ଗକୁ ତତକ୍ଷଣାତ ସମ୍ୱାଦ ପରିବେଷଣ ନିମନ୍ତେ ଅନଲାଇନ ସେବାର ସୁବିଧା ହାସଲ ହୋଇପାରିଲା । ତେଣୁ ମୌସୁମୀ ଋତୁ ପହଞ୍ଚିବା ପୂର୍ବରୁ ସମ୍ଭାବ୍ୟ ବର୍ଷାର ପରିମାଣ ଏବଂ ତାହାର ପ୍ରଭାବରେ ଅର୍ଥନୀତିକ ଧାରା ଆକଳନ ସାଧାରଣ କଥୋପକଥନର ଅଂଶ ବିଶେଷ ପାଲଟିଯାଇଛି ।
ପାରମ୍ପରିକଭାବେ ଜୁନମାସ ଆରମ୍ଭରେ ଦକ୍ଷିଣ-ପଶ୍ଚିମ ମୌସୁମୀ ବାୟୁ କେରଳରେ ପହଞ୍ଚିଲେ ଜୁନ ୧୦ ରୁ ୧୫ ସୁଦ୍ଧା ରଜ ସଂକ୍ରାନ୍ତି ବେଳକୁ ଓଡ଼ିଶାରେ ପହଞ୍ଚିଥାଏ । ଇଣ୍ଡିଆନ ମେଟୋରୋଲୋଜିକାଲ ଡିପାର୍ଟମେଣ୍ଟ ‘ଆଇଏମଡ଼ି’ର ୨୦୨୨ ଜୁନରୁ ସେପ୍ଟେମ୍ୱର ମୌସୁମୀ ଋତୁ ପାଇଁ ଆକଳନରେ ସମଗ୍ର ଦେଶରେ ବର୍ଷାର ପରିମାଣ ୯୬ ପ୍ରତିଶତରୁ ୧୦୪ ପ୍ରତିଶତ, ଅର୍ଥାତ ସ୍ୱାଭାବିକ ବା ଉତ୍ତମ ବର୍ଷା ହେବ । ତେବେ ଓଡ଼ିଶା ରାଜ୍ୟରେ ୨୦୨୨ ମାର୍ଚ୍ଚରୁ ମେ’ ମାସ ମଧ୍ୟରେ ଗ୍ରୀଷ୍ମ ଋତୁରେ ପ୍ରାକ୍-ମୌସୁମୀ ବର୍ଷାର ପରିମାଣ ସ୍ୱାଭାବିକ ବର୍ଷାଠାରୁ ୨୯ ପ୍ରତିଶତ କମ ରହିଥିବା ରେକର୍ଡ କରାଯାଇଥିଲା । ଏହା ଏକ ନିଅଣ୍ଟିଆ ପରିସ୍ଥିତି ଏବଂ ସେହି ତାଲିକାରେ ବ୍ରହ୍ମପୁର ମଧ୍ୟ ସାମିଲ ହୋଇଥିଲା ।
ସ୍ଥାନୀୟ ପାଣିପାଗ ବିଶେଷଜ୍ଞଙ୍କ ବିଶ୍ଳେଷଣରେ “ଦକ୍ଷିଣ-ପଶ୍ଚିମ ମୌସୁମୀ ବାୟୁ ଜୁନ ଦ୍ୱିତୀୟ ସପ୍ତାହ ବେଳକୁ ବ୍ରହ୍ମପୁରରେ ପହଞ୍ଚୁଥିଲେ ମଧ୍ୟ ଜୁନ ମାସରେ ଆଶାନୁରୂପ ବର୍ଷା ହୁଏ ନାହିଁ । ଜୁଲାଇ ମାସରେ ବୃଷ୍ଟିପାତର ପ୍ରାବଲ୍ୟ ବୃଦ୍ଧି ପାଏ । ଜୁଲାଇ ଓ ଅଗଷ୍ଟ ମାସରେ ବର୍ଷାର ପ୍ରାଚୁର୍ଯ୍ୟ ଦିନଗୁଡ଼ିକରେ ଦୈନିକ ହାରାହାରି ୩୦ ରୁ ୪୦ ମିଲିମିଟର ଯାଏଁ ବର୍ଷା ହୋଇଥାଏ ।
ବ୍ରହ୍ମପୁରରେ ବାର୍ଷିକ ପ୍ରାୟ ୨୦୦ ସେଣ୍ଟିମିଟର ବର୍ଷା ରେକର୍ଡ଼ କରାଯାଏ । ଅଗଷ୍ଟ-ସେପ୍ଟେମ୍ୱର ମାସରେ ମୌସୁମୀକାଳୀନ ଲଘୁଚାପ ଓ ନଭେମ୍ୱର-ଡ଼ିସେମ୍ୱର ମାସରେ କ୍ରାନ୍ତୀୟ ଲଘୁଚାପ ଯୋଗୁଁ ସହରରେ ଲଗାଣ ବର୍ଷା ଦେଖିବାକୁ ମିଳିଥାଏ । ଜୁନରୁ ସେପ୍ଟେମ୍ୱର ମାସ ମଧ୍ୟରେ ଦକ୍ଷିଣ-ପଶ୍ଚିମ ମୌସୁମୀ ବାୟୁ ଓ ଅକ୍ଟୋବରରୁ ଡିସେମ୍ୱର ମାସ ମଧ୍ୟରେ ଉତ୍ତର-ପୂର୍ବ ମୌସୁମୀ ବାୟୁ ପ୍ରଭାବରେ ବର୍ଷା ହୋଇଥାଏ ।”
ଆପାତତଃ ବ୍ରହ୍ମପୁରବାସୀଙ୍କ ପାଇଁ ଜୁନମାସ ଗୁଳଗୁଳିର ବେଳ । “ବର୍ଷାରହିତ ସମୟରେ ଆକାଶ ମେଘାଚ୍ଛନ୍ନ ହୋଇପଡୁଥିବା କାରଣରୁ ଭୂମିସ୍ଥ ଉତ୍ତାପ ପୁନଃ-ବିକୀରଣ ହେତୁ ଦିନସାରା ଗୁଳଗୁଳି ଅନୁଭୂତ ହୁଏ । ଫଳରେ ସହରବାସୀ ବର୍ଷାଋତୁ ଥଣ୍ଡାର ମଜା ନେଇପାରନ୍ତି ନାହିଁ ।” ଜୁନମାସର ଗରମ ବ୍ରହ୍ମପୁରର ଅନ୍ୟତମ ବୈଶିଷ୍ଟ୍ୟ !
ବିଗତ ଶତାଦ୍ଦୀ ସପ୍ତମ ଦଶକର ବଲିଉଡ଼ ଚଳଚ଼ିତ୍ର ‘ଜୱାବ’ରେ ମେହମ୍ମୁଦ ଓ ଅରୁଣା ଇରାନୀଙ୍କୁ ନେଇ ଚ଼ିତ୍ରିତ ଜୁନ ମାସର ଗରମ ବର୍ଣ୍ଣିତ ହିନ୍ଦି ଗୀତ ‘ୟୁଟ୍ୟୁବ’ ଭିଡ଼ିଓ ଦେଖିବା ପାଇଁ ନିମ୍ନ ଲିଙ୍କରେ କ୍ଳିକ କରନ୍ତୁ :
https://www.youtube.com/watch?v=E__m3cnFg48
ବିଗତ ୧୯୯୯ ମହାବାତ୍ୟା ବେଳକୁ ଦେଶର ପାଣିପାଗ ଆକଳନ ନିମନ୍ତେ ବିଭାଗ ଥିଲା ସତ, କିନ୍ତୁ ଆବଶ୍ୟକୀୟ ସାଜସରଞ୍ଜାମ ଅଭାବ ରହିଥିଲା । ମହାବାତ୍ୟା ଦିନ ଅପରାହ୍ନ ଦୁଇଟାରୁ ପ୍ରବଳ ବର୍ଷା ଆରମ୍ଭ ହୋଇ ସନ୍ଧ୍ୟା ପାଞ୍ଚରୁ ସାତ ଯାଏଁ ଥମି ଯାଇଥିଲା । ଯିଏ ଯେଉଁଠିଥିଲେ ସଅଳ ଘରକୁ ଫେରିବାପରେ ରାତି ଆଠ-ନଅରୁ ପବନ ସହ ବର୍ଷା ଆରମ୍ଭ ହୋଇଗଲା । ସହରବାସୀ ଟେଲିଭିଜନରେ ବାତ୍ୟା ଖବର ପାଇବା ବେଳକୁ ବିଦ୍ୟୁତ ସରବରାହ ବନ୍ଦ ହେତୁ ଟେଲିଭିଜନ ପ୍ରସାରଣ ବନ୍ଦ ହୋଇଯାଇଥିଲା । ଆଲମିରାରେ ସାଇତା ପୁରୁଣା ଟ୍ରାଞ୍ଜିଷ୍ଟର ଖୋଜି ବ୍ରହ୍ମପୁର ଆକାଶବାଣୀ ଖୋଲିବା ପରେ ରାତି ଦଶ ବେଳକୁ ଗେଟବଜାର-ଲୋଚାପଡ଼ା ଗଡ଼ାଣିରାସ୍ତାରେ ଅବସ୍ଥିତ ଆକାଶବାଣୀ କେନ୍ଦ୍ର କୋଠାରେ ପାଣି ପଶିଯିବା ଫଳରେ ପ୍ରସାରଣ ବନ୍ଦ । ରାତି ଏଗାରରୁ ତିନିଟା ଚାରିଟା ଯାଏଁ ସହରରେ ମହାବାତ୍ୟା ତାଣ୍ଡବ ରଚାଇଲା । ବ୍ରହ୍ମପୁରବାସୀ ବାତ୍ୟା-ପର ଆଲୋଚ଼ନା କଲେ ସିନା ବାତ୍ୟା-ପୂର୍ବ ଆଲୋଚ଼ନାର ସୁଯୋଗ ପାଇପାରି ନଥିଲେ ।
ଏକବିଂଶ ଶତାଦ୍ଦୀ ଦ୍ୱିତୀୟ ଦଶକ ଆରମ୍ଭରୁ ଭାରତର ପାଣିପାଗ ଆକଳନ କ୍ଷେତ୍ରରେ ଅତ୍ୟାଧୁନିକ ବିଭିନ୍ନ କିସମର ରାଡ଼ାର ଓ ଉପଗ୍ରହ ସେବା ଭଳି ସାଜସରଞ୍ଜାମ ସାଙ୍ଗକୁ ତତକ୍ଷଣାତ ସମ୍ୱାଦ ପରିବେଷଣ ନିମନ୍ତେ ଅନଲାଇନ ସେବାର ସୁବିଧା ହାସଲ ହୋଇପାରିଲା । ତେଣୁ ମୌସୁମୀ ଋତୁ ପହଞ୍ଚିବା ପୂର୍ବରୁ ସମ୍ଭାବ୍ୟ ବର୍ଷାର ପରିମାଣ ଏବଂ ତାହାର ପ୍ରଭାବରେ ଅର୍ଥନୀତିକ ଧାରା ଆକଳନ ସାଧାରଣ କଥୋପକଥନର ଅଂଶ ବିଶେଷ ପାଲଟିଯାଇଛି ।
ପାରମ୍ପରିକଭାବେ ଜୁନମାସ ଆରମ୍ଭରେ ଦକ୍ଷିଣ-ପଶ୍ଚିମ ମୌସୁମୀ ବାୟୁ କେରଳରେ ପହଞ୍ଚିଲେ ଜୁନ ୧୦ ରୁ ୧୫ ସୁଦ୍ଧା ରଜ ସଂକ୍ରାନ୍ତି ବେଳକୁ ଓଡ଼ିଶାରେ ପହଞ୍ଚିଥାଏ । ଇଣ୍ଡିଆନ ମେଟୋରୋଲୋଜିକାଲ ଡିପାର୍ଟମେଣ୍ଟ ‘ଆଇଏମଡ଼ି’ର ୨୦୨୨ ଜୁନରୁ ସେପ୍ଟେମ୍ୱର ମୌସୁମୀ ଋତୁ ପାଇଁ ଆକଳନରେ ସମଗ୍ର ଦେଶରେ ବର୍ଷାର ପରିମାଣ ୯୬ ପ୍ରତିଶତରୁ ୧୦୪ ପ୍ରତିଶତ, ଅର୍ଥାତ ସ୍ୱାଭାବିକ ବା ଉତ୍ତମ ବର୍ଷା ହେବ । ତେବେ ଓଡ଼ିଶା ରାଜ୍ୟରେ ୨୦୨୨ ମାର୍ଚ୍ଚରୁ ମେ’ ମାସ ମଧ୍ୟରେ ଗ୍ରୀଷ୍ମ ଋତୁରେ ପ୍ରାକ୍-ମୌସୁମୀ ବର୍ଷାର ପରିମାଣ ସ୍ୱାଭାବିକ ବର୍ଷାଠାରୁ ୨୯ ପ୍ରତିଶତ କମ ରହିଥିବା ରେକର୍ଡ କରାଯାଇଥିଲା । ଏହା ଏକ ନିଅଣ୍ଟିଆ ପରିସ୍ଥିତି ଏବଂ ସେହି ତାଲିକାରେ ବ୍ରହ୍ମପୁର ମଧ୍ୟ ସାମିଲ ହୋଇଥିଲା ।
ସ୍ଥାନୀୟ ପାଣିପାଗ ବିଶେଷଜ୍ଞଙ୍କ ବିଶ୍ଳେଷଣରେ “ଦକ୍ଷିଣ-ପଶ୍ଚିମ ମୌସୁମୀ ବାୟୁ ଜୁନ ଦ୍ୱିତୀୟ ସପ୍ତାହ ବେଳକୁ ବ୍ରହ୍ମପୁରରେ ପହଞ୍ଚୁଥିଲେ ମଧ୍ୟ ଜୁନ ମାସରେ ଆଶାନୁରୂପ ବର୍ଷା ହୁଏ ନାହିଁ । ଜୁଲାଇ ମାସରେ ବୃଷ୍ଟିପାତର ପ୍ରାବଲ୍ୟ ବୃଦ୍ଧି ପାଏ । ଜୁଲାଇ ଓ ଅଗଷ୍ଟ ମାସରେ ବର୍ଷାର ପ୍ରାଚୁର୍ଯ୍ୟ ଦିନଗୁଡ଼ିକରେ ଦୈନିକ ହାରାହାରି ୩୦ ରୁ ୪୦ ମିଲିମିଟର ଯାଏଁ ବର୍ଷା ହୋଇଥାଏ ।
ବ୍ରହ୍ମପୁରରେ ବାର୍ଷିକ ପ୍ରାୟ ୨୦୦ ସେଣ୍ଟିମିଟର ବର୍ଷା ରେକର୍ଡ଼ କରାଯାଏ । ଅଗଷ୍ଟ-ସେପ୍ଟେମ୍ୱର ମାସରେ ମୌସୁମୀକାଳୀନ ଲଘୁଚାପ ଓ ନଭେମ୍ୱର-ଡ଼ିସେମ୍ୱର ମାସରେ କ୍ରାନ୍ତୀୟ ଲଘୁଚାପ ଯୋଗୁଁ ସହରରେ ଲଗାଣ ବର୍ଷା ଦେଖିବାକୁ ମିଳିଥାଏ । ଜୁନରୁ ସେପ୍ଟେମ୍ୱର ମାସ ମଧ୍ୟରେ ଦକ୍ଷିଣ-ପଶ୍ଚିମ ମୌସୁମୀ ବାୟୁ ଓ ଅକ୍ଟୋବରରୁ ଡିସେମ୍ୱର ମାସ ମଧ୍ୟରେ ଉତ୍ତର-ପୂର୍ବ ମୌସୁମୀ ବାୟୁ ପ୍ରଭାବରେ ବର୍ଷା ହୋଇଥାଏ ।”
ଆପାତତଃ ବ୍ରହ୍ମପୁରବାସୀଙ୍କ ପାଇଁ ଜୁନମାସ ଗୁଳଗୁଳିର ବେଳ । “ବର୍ଷାରହିତ ସମୟରେ ଆକାଶ ମେଘାଚ୍ଛନ୍ନ ହୋଇପଡୁଥିବା କାରଣରୁ ଭୂମିସ୍ଥ ଉତ୍ତାପ ପୁନଃ-ବିକୀରଣ ହେତୁ ଦିନସାରା ଗୁଳଗୁଳି ଅନୁଭୂତ ହୁଏ । ଫଳରେ ସହରବାସୀ ବର୍ଷାଋତୁ ଥଣ୍ଡାର ମଜା ନେଇପାରନ୍ତି ନାହିଁ ।” ଜୁନମାସର ଗରମ ବ୍ରହ୍ମପୁରର ଅନ୍ୟତମ ବୈଶିଷ୍ଟ୍ୟ !
ବିଗତ ଶତାଦ୍ଦୀ ସପ୍ତମ ଦଶକର ବଲିଉଡ଼ ଚଳଚ଼ିତ୍ର ‘ଜୱାବ’ରେ ମେହମ୍ମୁଦ ଓ ଅରୁଣା ଇରାନୀଙ୍କୁ ନେଇ ଚ଼ିତ୍ରିତ ଜୁନ ମାସର ଗରମ ବର୍ଣ୍ଣିତ ହିନ୍ଦି ଗୀତ ‘ୟୁଟ୍ୟୁବ’ ଭିଡ଼ିଓ ଦେଖିବା ପାଇଁ ନିମ୍ନ ଲିଙ୍କରେ କ୍ଳିକ କରନ୍ତୁ :
https://www.youtube.com/watch?v=E__m3cnFg48
(‘ଅନୁପମ ଭାରତ’, ବ୍ରହ୍ମପୁର ସଂସ୍କରଣ / ୪ ଜୁନ ୨୦୨୨/ ପୃଷ୍ଠା : ୨)
Photo by Sharon McCutcheon on Unsplash
No comments:
Post a Comment