#ବ୍ରହ୍ମପୁର ପୂର୍ବ ଉପକଣ୍ଠରେ ଟାଟା ପ୍ରସ୍ତାବିତ ଇସ୍ପାତ
ପ୍ରକଳ୍ପ ବିସ୍ଥାପିତ କଲୋନୀ ନିକଟସ୍ଥ ଶୀତଳାପଲ୍ଲୀ ଗ୍ରାମରେ ୫୦୦ ଶଯ୍ୟାବିଶିଷ୍ଟ ‘ଟାଟା ଷ୍ଟିଲ ମେଡ଼ିକା ହସପିଟାଲ’ର କୋଠାବାଡ଼ି ନିର୍ମାଣ କାର୍ଯ୍ୟ ୨୦୧୯ ମଧ୍ୟଭାଗରୁ
ସରିଥିଲା । ଜଳ ଓ ବିଦ୍ୟୁତ ସଂଯୋଗ ପରେ ୨୦୨୦ ପ୍ରଥମାର୍ଦ୍ଧରେ ଉଦଘାଟନ ହେବା ଯୋଜନା ରହିଥିବା
ଗଣମାଧ୍ୟମରେ ପ୍ରକାଶ ପାଇଥିଲା । କିନ୍ତୁ ୨୦୨୦ ମାର୍ଚ୍ଚ ମାସରୁ କୋଭିଡ଼ ମହାମାରୀ ସଂକ୍ରମଣ
ପରେ ଜରୁରୀ ପରିସ୍ଥିତିରେ ସୁପରସ୍ପେସାଲିଟି ହସପିଟାଲ ବଦଳରେ ଏହା କୋଭିଡ଼ ହସପିଟାଲ ଭାବେ ତତ୍
କ୍ଷଣାତ ବ୍ୟବହୃତ ହୋଇଥିଲା । ମହାମାରୀର ଚାପ ହ୍ରାସରେ କୋଭିଡ଼ ହସପିଟାଲ ବନ୍ଦ ହେବା ପରେ ଏହା
ପୂର୍ବ ଯୋଜନା ଅନୁଯାୟୀ ସାଧାରଣ ହସପିଟାଲ ରୂପେ କାର୍ଯ୍ୟ ଆରମ୍ଭ କରିବା କଥା । ତେବେ ବିଭିନ୍ନ
କାରଣରୁ ୨୦୨୨ ଜାନୁୟାରୀ ସୁଦ୍ଧା ତାହା ସଂଭବ ହୋଇପାରି ନାହିଁ ।
ଟାଟା ପକ୍ଷରୁ ପ୍ରକଳ୍ପ ରୂପାୟନ ହୋଇଥିବା ଅଞ୍ଚଳଗୁଡ଼ିକରେ ହସପିଟାଲ ନିର୍ମାଣ କରିଥାଏ । କେତେକ କ୍ଷେତ୍ରରେ ନିଜେ ପ୍ରତ୍ୟକ୍ଷ ଭାବେ ପରିଚାଳନା କରୁଥିବା ସ୍ଥଳେ ଅନ୍ୟ କେତେକ କ୍ଷେତ୍ରରେ ପୃଥକ ସ୍ୱାସ୍ଥ୍ୟସେବା ସଂସ୍ଥାର ସହଯୋଗ ଲୋଡ଼ିଥାଏ । ବ୍ରହ୍ମପୁରରେ ଟାଟା ହସପିଟାଲ ପରିଚାଳନା ନିମନ୍ତେ କୋଲକତାର ‘ମେଡ଼ିକା ଗୃପ’ ସହବନ୍ଧିତ ହୋଇଥିଲା । ଚ଼ିକିତ୍ସା କ୍ଷେତ୍ରରେ ‘ମେଡ଼ିକା ହସପିଟାଲସ’ ଏକ ବଡ଼ କମ୍ପାନୀ । ଏହି କମ୍ପାନୀ ଶତାଧିକ ହସପିଟାଲ ପରିଚାଳନା ସହ ସଂପୃକ୍ତ ବୋଲି କୁହାଯାଏ । ଭାରତରେ ୨୨ ଗୋଟି ରାଜ୍ୟ ସହ ମିଆଁମାର, ୟେମାନ ଓ ଦକ୍ଷିଣ ଆଫ୍ରିକା ସମେତ ଛଅଗୋଟି ବୈଦେଶିକ ରାଷ୍ଟ୍ରରେ ସ୍ୱାସ୍ଥ୍ୟସେବା ସହ ‘ମେଡ଼ିକା’ କାର୍ଯ୍ୟରତ ।
ବ୍ରହ୍ମପୁର ‘ଟାଟା ଷ୍ଟିଲ ମେଡ଼ିକା ହସପିଟାଲ’ର ଭିତ୍ତିଭୂମି ନିର୍ମାଣ ନିମନ୍ତେ ଓଡ଼ିଶା ସରକାର ୪୪ ଏକର ସରକାରୀ ଜମି ବିନାମୂଲ୍ୟରେ ଯୋଗାଇ ଦେଇଥିଲେ । ପ୍ରାଥମିକ ପର୍ଯ୍ୟାୟରେ ୨୦୦ ଶଯ୍ୟା ବିଶିଷ୍ଟ ଚ଼ିକିତ୍ସା ଆରମ୍ଭ କରିବା ନିମନ୍ତେ ପରିକଳ୍ପନା କରାଯାଇଥିଲା । ମେଡ଼ିସିନ, ସର୍ଜରୀ, ସ୍ତ୍ରୀରୋଗ, ଶିଶୁରୋଗ, ଇଏନଟି, ପାଥୋଲଜି ଓ ଏନେସ୍ଥେସିଆ ଭଳି ବିଭାଗରେ ଚ଼ିକିତ୍ସକ ନିଯୁକ୍ତି ତଥା ଆବଶ୍ୟକୀୟ ଚ଼ିକିତ୍ସା ଉପକରଣ ସଂଯୋଗ ପାଇଁ ପ୍ରସ୍ତୁତି ଚାଲିଥିଲା । ତେବେ ଅପ୍ରତ୍ୟାଶିତ ମହାମାରୀ ଯୋଗୁଁ ସମସ୍ତ ଯୋଜନା ପଣ୍ଡ ହୋଇଯାଇଥିବା ପ୍ରକାଶ ।
ମହାମାରୀର ତିନିଗୋଟି ତରଙ୍ଗର ପ୍ରକୋପ ସରିବାପରେ ପୂର୍ବ ଯୋଜନାମତେ ବ୍ରହ୍ମପୁର ‘ଟାଟା ଷ୍ଟିଲ ମେଡ଼ିକା ହସପିଟାଲ’ କାର୍ଯ୍ୟ ଆରମ୍ଭ ନକରିପାରିବା ହେତୁ ସମସ୍ୟାଟି କ୍ରମଶଃ ସହରବାସୀଙ୍କ ଚର୍ଚ୍ଚାର ପରିସରକୁ ଆସିବା ସ୍ୱାଭାବିକ । ପ୍ରଶ୍ନ ଉଠେ, ଟାଟା ଏକ ଖ୍ୟାତନାମା କମ୍ପାନୀ, ସ୍ୱାସ୍ଥ୍ୟସେବା କ୍ଷେତ୍ରରେ ଦେଶବ୍ୟାପୀ ସୁନାମ ଅଛି । ସେହିପରି ମେଡ଼ିକା ମଧ୍ୟ ଏକ ବଡ଼ କମ୍ପାନୀ । ଏକ ଶହ ସରିକି ଚ଼ିକିତ୍ସାଳୟ ସହ ଅନୁବନ୍ଧିତ କମ୍ପାନୀ ପାଇଁ ଦୁଇ ଶହ ଶଯ୍ୟାର ହସପିଟାଲ ନିମନ୍ତେ ମାନବସମ୍ୱଳ ଯୋଗାଡ଼ କରିବା କିଛି ବଡ଼ କଥା ନୁହେଁ । ତେବେ ବ୍ରହ୍ମପୁର ‘ଟାଟା ଷ୍ଟିଲ ମେଡ଼ିକା ହସପିଟାଲ’ କାହିଁକି କାର୍ଯ୍ୟକ୍ଷମ ହୋଇପାରୁ ନାହିଁ ?
ଅବଶ୍ୟ ଏକଥା ସତ ଯେ କୋଭିଡ଼-୧୯ ମହାମାରୀ ପରେ କେବଳ ଭାରତ କାହିଁକି ସମଗ୍ର ବିଶ୍ୱରେ ହସପିଟାଲଗୁଡ଼ିକର କାର୍ଯ୍ୟଭାର ବଢ଼ିଛି । ଖବର ଅନୁଯାୟୀ ଜାନୁୟାରୀ ୨୦୨୩ ସୁଦ୍ଧା ବ୍ରିଟେନ, ଜର୍ମାନ ଭଳି ବିକଶିତ ରାଷ୍ଟ୍ରଗୁଡ଼ିକରେ ହସପିଟାଲରେ ଭର୍ତ୍ତି ହେବା ପାଇଁ ରୋଗୀଙ୍କୁ ୧୨ ଘଣ୍ଟା ଯାଏଁ ଅପେକ୍ଷା କରିବାକୁ ପଡୁଛି । ଅର୍ଥାତ, ହସପିଟାଲମୁଖୀ ରୋଗୀଙ୍କ ସଂଖ୍ୟା ଆଶାତୀତଭାବେ ବୃଦ୍ଧି ପାଇଛି । ଏହି ପରିପ୍ରେକ୍ଷୀରେ ଡ଼ାକ୍ତର ଓ ନର୍ସଙ୍କ ଅଭାବ ସର୍ବତ୍ର ଲାଗି ରହିଛି । ସ୍ୱାଧୀନୋତ୍ତର ଅବସ୍ଥାରେ ମେଡ଼ିକାଲ ଶିକ୍ଷା ପ୍ରସାର କ୍ଷେତ୍ରରେ ସରକାରୀ ଉଦାସୀନତା ହେତୁ ଆମେ ପଛରେ ପଡ଼ି ରହିଛେ ।
ଅପରପକ୍ଷେ ବ୍ରହ୍ମପୁର ସହରରେ ଜନସଂଖ୍ୟା ବୃଦ୍ଧି ତଥା ସମଗ୍ର ଦକ୍ଷିଣ ଓଡ଼ିଶାବାସୀ ସ୍ୱାସ୍ଥ୍ୟସେବା ଲାଗି ବ୍ରହ୍ମପୁର ଉପରେ ନିର୍ଭର କରୁଥିବା ସ୍ଥଳେ ଏଠାରେ ସରକାରୀ ମେଡ଼ିକାଲ କଲେଜ ଭିନ୍ନ ଘରୋଇ ହସପିଟାଲ ସ୍ଥାପିତ ହୋଇପାରି ନାହିଁ । ଫଳରେ ଗୁଣାତ୍ମକ ଚ଼ିକିତ୍ସା ନିମନ୍ତେ ଭୁବନେଶ୍ୱର କିମ୍ୱା ବିଶାଖପାଟଣା ଉପରେ ନିର୍ଭର କରିବାକୁ ପଡୁଛି । ଦୀର୍ଘ ଆଠ ବର୍ଷ ପୂର୍ବେ ୨୦୧୪ରେ ବ୍ରହ୍ମପୁର ‘ଟାଟା ଷ୍ଟିଲ ମେଡ଼ିକା ହସପିଟାଲ’ ନିର୍ମାଣର ଭୂମିପୂଜା ପରଠାରୁ ଏହି ଅଞ୍ଚଳବାସୀ ଏକ ବିକଳ୍ପ ଚ଼ିକିତ୍ସାଳୟର ଅପେକ୍ଷାରେ ରହିଛନ୍ତି ।
ଟାଟା ପକ୍ଷରୁ ପ୍ରକଳ୍ପ ରୂପାୟନ ହୋଇଥିବା ଅଞ୍ଚଳଗୁଡ଼ିକରେ ହସପିଟାଲ ନିର୍ମାଣ କରିଥାଏ । କେତେକ କ୍ଷେତ୍ରରେ ନିଜେ ପ୍ରତ୍ୟକ୍ଷ ଭାବେ ପରିଚାଳନା କରୁଥିବା ସ୍ଥଳେ ଅନ୍ୟ କେତେକ କ୍ଷେତ୍ରରେ ପୃଥକ ସ୍ୱାସ୍ଥ୍ୟସେବା ସଂସ୍ଥାର ସହଯୋଗ ଲୋଡ଼ିଥାଏ । ବ୍ରହ୍ମପୁରରେ ଟାଟା ହସପିଟାଲ ପରିଚାଳନା ନିମନ୍ତେ କୋଲକତାର ‘ମେଡ଼ିକା ଗୃପ’ ସହବନ୍ଧିତ ହୋଇଥିଲା । ଚ଼ିକିତ୍ସା କ୍ଷେତ୍ରରେ ‘ମେଡ଼ିକା ହସପିଟାଲସ’ ଏକ ବଡ଼ କମ୍ପାନୀ । ଏହି କମ୍ପାନୀ ଶତାଧିକ ହସପିଟାଲ ପରିଚାଳନା ସହ ସଂପୃକ୍ତ ବୋଲି କୁହାଯାଏ । ଭାରତରେ ୨୨ ଗୋଟି ରାଜ୍ୟ ସହ ମିଆଁମାର, ୟେମାନ ଓ ଦକ୍ଷିଣ ଆଫ୍ରିକା ସମେତ ଛଅଗୋଟି ବୈଦେଶିକ ରାଷ୍ଟ୍ରରେ ସ୍ୱାସ୍ଥ୍ୟସେବା ସହ ‘ମେଡ଼ିକା’ କାର୍ଯ୍ୟରତ ।
ବ୍ରହ୍ମପୁର ‘ଟାଟା ଷ୍ଟିଲ ମେଡ଼ିକା ହସପିଟାଲ’ର ଭିତ୍ତିଭୂମି ନିର୍ମାଣ ନିମନ୍ତେ ଓଡ଼ିଶା ସରକାର ୪୪ ଏକର ସରକାରୀ ଜମି ବିନାମୂଲ୍ୟରେ ଯୋଗାଇ ଦେଇଥିଲେ । ପ୍ରାଥମିକ ପର୍ଯ୍ୟାୟରେ ୨୦୦ ଶଯ୍ୟା ବିଶିଷ୍ଟ ଚ଼ିକିତ୍ସା ଆରମ୍ଭ କରିବା ନିମନ୍ତେ ପରିକଳ୍ପନା କରାଯାଇଥିଲା । ମେଡ଼ିସିନ, ସର୍ଜରୀ, ସ୍ତ୍ରୀରୋଗ, ଶିଶୁରୋଗ, ଇଏନଟି, ପାଥୋଲଜି ଓ ଏନେସ୍ଥେସିଆ ଭଳି ବିଭାଗରେ ଚ଼ିକିତ୍ସକ ନିଯୁକ୍ତି ତଥା ଆବଶ୍ୟକୀୟ ଚ଼ିକିତ୍ସା ଉପକରଣ ସଂଯୋଗ ପାଇଁ ପ୍ରସ୍ତୁତି ଚାଲିଥିଲା । ତେବେ ଅପ୍ରତ୍ୟାଶିତ ମହାମାରୀ ଯୋଗୁଁ ସମସ୍ତ ଯୋଜନା ପଣ୍ଡ ହୋଇଯାଇଥିବା ପ୍ରକାଶ ।
ମହାମାରୀର ତିନିଗୋଟି ତରଙ୍ଗର ପ୍ରକୋପ ସରିବାପରେ ପୂର୍ବ ଯୋଜନାମତେ ବ୍ରହ୍ମପୁର ‘ଟାଟା ଷ୍ଟିଲ ମେଡ଼ିକା ହସପିଟାଲ’ କାର୍ଯ୍ୟ ଆରମ୍ଭ ନକରିପାରିବା ହେତୁ ସମସ୍ୟାଟି କ୍ରମଶଃ ସହରବାସୀଙ୍କ ଚର୍ଚ୍ଚାର ପରିସରକୁ ଆସିବା ସ୍ୱାଭାବିକ । ପ୍ରଶ୍ନ ଉଠେ, ଟାଟା ଏକ ଖ୍ୟାତନାମା କମ୍ପାନୀ, ସ୍ୱାସ୍ଥ୍ୟସେବା କ୍ଷେତ୍ରରେ ଦେଶବ୍ୟାପୀ ସୁନାମ ଅଛି । ସେହିପରି ମେଡ଼ିକା ମଧ୍ୟ ଏକ ବଡ଼ କମ୍ପାନୀ । ଏକ ଶହ ସରିକି ଚ଼ିକିତ୍ସାଳୟ ସହ ଅନୁବନ୍ଧିତ କମ୍ପାନୀ ପାଇଁ ଦୁଇ ଶହ ଶଯ୍ୟାର ହସପିଟାଲ ନିମନ୍ତେ ମାନବସମ୍ୱଳ ଯୋଗାଡ଼ କରିବା କିଛି ବଡ଼ କଥା ନୁହେଁ । ତେବେ ବ୍ରହ୍ମପୁର ‘ଟାଟା ଷ୍ଟିଲ ମେଡ଼ିକା ହସପିଟାଲ’ କାହିଁକି କାର୍ଯ୍ୟକ୍ଷମ ହୋଇପାରୁ ନାହିଁ ?
ଅବଶ୍ୟ ଏକଥା ସତ ଯେ କୋଭିଡ଼-୧୯ ମହାମାରୀ ପରେ କେବଳ ଭାରତ କାହିଁକି ସମଗ୍ର ବିଶ୍ୱରେ ହସପିଟାଲଗୁଡ଼ିକର କାର୍ଯ୍ୟଭାର ବଢ଼ିଛି । ଖବର ଅନୁଯାୟୀ ଜାନୁୟାରୀ ୨୦୨୩ ସୁଦ୍ଧା ବ୍ରିଟେନ, ଜର୍ମାନ ଭଳି ବିକଶିତ ରାଷ୍ଟ୍ରଗୁଡ଼ିକରେ ହସପିଟାଲରେ ଭର୍ତ୍ତି ହେବା ପାଇଁ ରୋଗୀଙ୍କୁ ୧୨ ଘଣ୍ଟା ଯାଏଁ ଅପେକ୍ଷା କରିବାକୁ ପଡୁଛି । ଅର୍ଥାତ, ହସପିଟାଲମୁଖୀ ରୋଗୀଙ୍କ ସଂଖ୍ୟା ଆଶାତୀତଭାବେ ବୃଦ୍ଧି ପାଇଛି । ଏହି ପରିପ୍ରେକ୍ଷୀରେ ଡ଼ାକ୍ତର ଓ ନର୍ସଙ୍କ ଅଭାବ ସର୍ବତ୍ର ଲାଗି ରହିଛି । ସ୍ୱାଧୀନୋତ୍ତର ଅବସ୍ଥାରେ ମେଡ଼ିକାଲ ଶିକ୍ଷା ପ୍ରସାର କ୍ଷେତ୍ରରେ ସରକାରୀ ଉଦାସୀନତା ହେତୁ ଆମେ ପଛରେ ପଡ଼ି ରହିଛେ ।
ଅପରପକ୍ଷେ ବ୍ରହ୍ମପୁର ସହରରେ ଜନସଂଖ୍ୟା ବୃଦ୍ଧି ତଥା ସମଗ୍ର ଦକ୍ଷିଣ ଓଡ଼ିଶାବାସୀ ସ୍ୱାସ୍ଥ୍ୟସେବା ଲାଗି ବ୍ରହ୍ମପୁର ଉପରେ ନିର୍ଭର କରୁଥିବା ସ୍ଥଳେ ଏଠାରେ ସରକାରୀ ମେଡ଼ିକାଲ କଲେଜ ଭିନ୍ନ ଘରୋଇ ହସପିଟାଲ ସ୍ଥାପିତ ହୋଇପାରି ନାହିଁ । ଫଳରେ ଗୁଣାତ୍ମକ ଚ଼ିକିତ୍ସା ନିମନ୍ତେ ଭୁବନେଶ୍ୱର କିମ୍ୱା ବିଶାଖପାଟଣା ଉପରେ ନିର୍ଭର କରିବାକୁ ପଡୁଛି । ଦୀର୍ଘ ଆଠ ବର୍ଷ ପୂର୍ବେ ୨୦୧୪ରେ ବ୍ରହ୍ମପୁର ‘ଟାଟା ଷ୍ଟିଲ ମେଡ଼ିକା ହସପିଟାଲ’ ନିର୍ମାଣର ଭୂମିପୂଜା ପରଠାରୁ ଏହି ଅଞ୍ଚଳବାସୀ ଏକ ବିକଳ୍ପ ଚ଼ିକିତ୍ସାଳୟର ଅପେକ୍ଷାରେ ରହିଛନ୍ତି ।
(‘ଅନୁପମ ଭାରତ’, ବ୍ରହ୍ମପୁର ସଂସ୍କରଣ / ୦୭ ଜାନୁୟାରୀ ୨୦୨୩/ ପୃଷ୍ଠା : ୨)
Photo from : https://odishabytes.com/
No comments:
Post a Comment