#ବ୍ରହ୍ମପୁର ସହ ଦୈନିକ ଓଡ଼ିଆ
ସମ୍ୱାଦପତ୍ର ‘ସମାଜ’ର ଆତ୍ମପ୍ରକାଶ କରିବା
ପୂର୍ବରୁ ସଂପର୍କ ରହି ଆସିଛି । ଶଶିଭୂଷଣ ରଥ ୧୯୧୩ରେ ସାପ୍ତାହିକ ‘ଆଶା’ ବ୍ରହ୍ମପୁରରୁ ସାନବଜାର
ଭେଙ୍କେଟେଶ୍ୱର ମନ୍ଦିର ନିକଟସ୍ଥ ଏକ ଭଡ଼ାଘରେ ମୁଦ୍ରଣ ଯନ୍ତ୍ର ସ୍ଥାପନ କରି ପ୍ରକାଶନ ଆରମ୍ଭ
କରିଥିଲେ । ପତ୍ରିକାର ଲେଖକମାନଙ୍କ ମଧ୍ୟରେ ଗୋପବନ୍ଧୁ ଦାସ ଅତ୍ୟତମ । ତାଙ୍କରି ଦ୍ୱାରା ପ୍ରତିଷ୍ଠିତ
ସତ୍ୟବାଦୀ ବନ ବିଦ୍ୟାଳୟରେ ଅବସ୍ଥାପିତ ଶିକ୍ଷକ ମଣ୍ଡଳୀ ପଞ୍ଚସଖା ନାମରେ ଖ୍ୟାତ । ସେମାନେ
ମଧ୍ୟ ସାପ୍ତାହିକ ‘ଆଶା’ରେ ଲେଖାଲେଖି କରୁଥାନ୍ତି
। ସାକ୍ଷୀଗୋପାଳରୁ ‘ଆଶା’ ପାଇଁ ପାଣ୍ଡୁଲିପି ବ୍ରହ୍ମପୁରରେ
ତୁରନ୍ତ ପହୁଞ୍ଚାଇବା ନିମନ୍ତେ ରେଳଗାଡ଼ି କର୍ମଚାରୀଙ୍କ ସହାୟତା ଗ୍ରହଣ କରାଯାଉଥିଲା ।
କୁହାଯାଏ ଯେ ସତ୍ୟବାଦୀରୁ ରେଳଗାଡ଼ି ଗାର୍ଡଙ୍କ ପାଖେ ‘ଆଶା’ ପାଇଁ ଲେଖା ପହଞ୍ଚିବା
ବିଳମ୍ୱ ହେଲେ ଥରେ ଅଧେ ସାକ୍ଷୀଗୋପାଳ ଷ୍ଟେସନରେ କିଛି ସମୟ ରେଳଗାଡ଼ି ଅଟକାଇ ଅପେକ୍ଷା
କରାଯାଉଥିଲା ।
ଗୋପବନ୍ଧୁ ଦାସ ‘ସତ୍ୟବାଦୀ’ ନାମରେ ଏକ ମାସିକ ସାହିତ୍ୟ ପତ୍ରିକା ୧୯୧୫ ପ୍ରକାଶନ ଆରମ୍ଭ କରିଥିଲେ । ଏହା ବ୍ରହ୍ମପୁର ଆଶା ପ୍ରେସରେ ପ୍ରଥମ ଦୁଇ ବର୍ଷ ମୁଦ୍ରିତ ହୋଇଥିଲା । ପରେ ପୁରୀକୁ ମୁଦ୍ରଣ କାର୍ଯ୍ୟ ସ୍ଥାନାନ୍ତରିତ ହୋଇଥିଲା । ମାସିକ ‘ସତ୍ୟବାଦୀ’ର ସଫଳତାରେ ଉତ୍ସାହିତ ହୋଇ ଗୋପବନ୍ଧୁ ଦାସ ୧୯୧୯ରେ ସାପ୍ତାହିକ ସମ୍ୱାଦପତ୍ର ‘ସମାଜ’ ପ୍ରକାଶନ ଆରମ୍ଭ କରିଥିଲେ । ‘ସମାଜ’ ସତ୍ୟବାଦୀ ଓ ପୁରୀରେ ମୁଦ୍ରିତ ହୋଇ କଟକରେ ପହଞ୍ଚିଥିଲା । ଏହାହିଁ ଇତିହାସ ପୃଷ୍ଠାରେ ‘ସମାଜ’ ପ୍ରକାଶନ ସହ ବ୍ରହ୍ମପୁରର ସଂପୃକ୍ତି ।
ଗୋପବନ୍ଧୁ ଦାସଙ୍କ ଦ୍ୱାରା ‘ସମାଜ’ ପ୍ରତିଷ୍ଠିତ ହୋଇଥିଲେହେଁ ଗୋପବନ୍ଧୁ ଦାସଙ୍କ ଦ୍ୱାରା ନିଯୁକ୍ତ ପରିଚାଳକ ରାଧାନାଥ ରଥଙ୍କ ତତ୍ତ୍ୱାବଧାନରେ ‘ସମାଜ’ର ଉତ୍ତୋରୋତ୍ତର ଉନ୍ନତି ସାଧିତ ହୋଇଥିଲା । ରାଧାନାଥ ରଥଙ୍କ ବ୍ରହ୍ମପୁର ନେତୃବର୍ଗଙ୍କ ସହ ଗଭୀର ସଂପର୍କ ରହିଥିଲା । ପାର୍କସାହି ନିବାସୀ କବିରାଜ କାମାକ୍ଷୀ ପ୍ରସାଦ ଶର୍ମା ଓ ଟାଉନହଲ ରୋଡ଼ ନିବାସୀ ଏଡ଼ଭୋକେଟ ବସନ୍ତ କୁମାର ପାଣିଗ୍ରାହୀ ସେମାନଙ୍କ ମଧ୍ୟରେ ଦୁଇ ଘନିଷ୍ଠ ସହଯୋଗୀ । ଗଞ୍ଜାମର ଦୁଇ ପ୍ରମୁଖ ବ୍ୟକ୍ତିତ୍ୱ ବିଶ୍ୱନାଥ ଦାସ ଓ କିଶୋର ଚନ୍ଦ୍ର ତ୍ରିପାଠୀ ‘ସମାଜ’ର ପ୍ରକାଶକ ‘ଲୋକସେବକ ମଣ୍ଡଳ’ର ପ୍ରମୁଖ କର୍ମକର୍ତ୍ତା ରହିଆସିଥିଲେ । ପୂର୍ବତନ ମନ୍ତ୍ରୀ ଓ ବାଚସ୍ପତି ସୂର୍ଯ୍ୟନାରାୟଣ ପାତ୍ରଙ୍କ ପରିବାର ‘ସମାଜ’ର ଏଜେଣ୍ଟ ଏବଂ ପୂର୍ବତନ ଉପ-ବାଚସ୍ପତି ରାମଚନ୍ଦ୍ର ପଣ୍ଡା ‘ସମାଜ’ର ସ୍ୱତନ୍ତ୍ର ପ୍ରତିନିଧି ଭାବେ କାର୍ଯ୍ୟ କରିଥିଲେ । ସମକାଳରେ ବ୍ରହ୍ମପୁରର ସଂଗଠକ ରାଜେନ୍ଦ୍ର ଜେନା ‘ଲୋକ ସେବକ ମଣ୍ଡଳ’ର ଅବସ୍ଥାପିତ ତିନିଜଣ ଓଡ଼ିଆ ଆଜୀବନ ସଭ୍ୟଙ୍କ ମଧ୍ୟରୁ ଜଣେ । ପ୍ରକାଶ ଥାଉ ସର୍ବଭାରତୀୟସ୍ତରରେ କାର୍ଯ୍ୟରତ ‘ଲୋକସେବକ ମଣ୍ଡଳ’ରେ ବର୍ତ୍ତମାନ ମୋଟ ଆଜୀବନ ସଭ୍ୟ ସଂଖ୍ୟା ମାତ୍ର ଆଠ ।
ରାଜ୍ୟ ସରକାରଙ୍କ ପକ୍ଷରୁ ସାର୍ବଜନୀନ ଅନୁଷ୍ଠାନଗୁଡ଼ିକୁ ବିନାମୂଲ୍ୟ ବା ଅଳ୍ପମୂଲ୍ୟରେ ସରକାରୀ ଜମି ପ୍ରଦାନ ନୀତି ରହିଛି । ସେହି ଧାରାରେ ବ୍ରହ୍ମପୁର କରପୋରେସେନ ରୋଡ଼ଠାରେ ‘ଲୋକସେବକ ମଣ୍ଡଳ’କୁ ଗତ ଶତାଦ୍ଦୀ ସପ୍ତମ ଦଶକ ବେଳକୁ ଏକ ବଡ଼ ଜମି ପ୍ଲଟ ପ୍ରଦାନ କରାଯାଇଥିଲା । ଅବଶ୍ୟ ସେ ସମୟରେ କରପୋରେସନ ରୋଡ଼ ଏକ ଅବହେଳିତ ଅଞ୍ଚଳ ବିବେଚ଼ିତ ହେଉଥିଲା । ଭଲ ରାସ୍ତା ନଥିଲା । ଛତରାବନ୍ଧରେ ପୌରପାଳିକା ପକ୍ଷରୁ ଆବର୍ଜନା ଠୁଳ କରାଯାଉଥିଲା ଏବଂ ‘ଲୋକସେବକ ମଣ୍ଡଳ’ ପାଇଥିବା ଜମିଟି ଝମ୍ପୁଡ଼ିବାସୀଙ୍କ ଜବରଦଖଲ କବଜାରେ ଥିଲା । ଦୀର୍ଘ ପ୍ରଚେଷ୍ଟାରେ ଉକ୍ତ ଜମିକୁ ଜବରଦଖଲ ମୁକ୍ତ କରାଯାଇ ସୁଉଚ୍ଚ ପାଚ଼େରୀ ନିର୍ମାଣ ସଂଭବ ହୋଇଥିଲା ।
ଅବଶ୍ୟ ଇତ୍ୟଅବସରରେ କରପୋରେସନ ରୋଡ଼ ସହରର ଅନ୍ୟତମ ଅଭିଜାତ୍ୟପୂର୍ଣ୍ଣ ଠିକଣାରେ ପରିଣତ ହୋଇଛି । ତାମେୟା ବନ୍ଧ ପୋତି ‘ବିଜୁ ପଟ୍ଟନାୟକ ପାର୍କ’ ନିର୍ମାଣ ପରେ ଛତରାବନ୍ଧ ପୋତି ‘ଗଞ୍ଜାମ ହାଟ’ ମଲ ନିର୍ମାଣଧୀନ । ‘ଲୋକସେବକ ମଣ୍ଡଳ’ପକ୍ଷରୁ କରପୋରେସନ ରୋଡ଼ ଜମିରେ ‘ଗୋପବନ୍ଧୁ ଭବନ’ ନାମିତ ଦ୍ୱିତଳ କୋଠା ନିର୍ମାଣ ନିମନ୍ତେ ଜୁଲାଇ ପହିଲା ୨୦୨୩ରେ ଠିକାଦାର ନିଯୁକ୍ତି ପାଇଁ ବିଜ୍ଞାପନ ପ୍ରକାଶ ପାଇଥିଲା । ‘ଲୋକସେବକ ମଣ୍ଡଳ’ କରପୋରେସନ ରୋଡ଼ରେ ଜମି ପାଇବା ଦିନୁ ‘ଗୋପବନ୍ଧୁ ଭବନ’ ନିର୍ମାଣ ଓ ବ୍ରହ୍ମପୁରରୁ ‘ସମାଜ’ର ସଂସ୍କରଣ ମୁଦ୍ରଣର ଯେଉଁମାନେ ସ୍ୱପ୍ନ ଦେଖିଥିଲେ ଇତିମଧ୍ୟରେ ମରିହଜି ଗଲେଣି ।
ବ୍ରହ୍ମପୁରରେ ‘ଗୋପବନ୍ଧୁ ଭବନ’ ନିର୍ମାଣ ପରେ ଗିରି ରୋଡ଼ରେ ଭଡା ଘରେ ଚାଲୁଥିବା ‘ସମାଜ’ ଶାଖା କାର୍ଯ୍ୟାଳୟ ସ୍ଥାନାନ୍ତରିତ ହେବା ନିଶ୍ଚିତ । ‘ଲୋକସେବକ ମଣ୍ଡଳ’ର ରିଲିଫ ରାଜ୍ୟରେ ସକ୍ରିୟ । ଏଠାରେ ଦକ୍ଷିଣ ଓଡ଼ିଶା ଶାଖା କାର୍ଯ୍ୟାଳୟ ସ୍ଥାପିତ ହେବା ଆଶା କରାଯାଇପାରେ । ଗୋପବନ୍ଧୁ ଦାସ ‘ସମାଜ’ ସମ୍ୱାଦପତ୍ର ପ୍ରକାଶନର ମୂଳ ଉଦ୍ଦେଶ୍ୟ ଜନସାଧାରଣଙ୍କ ଦୁଃଖ ଦୁର୍ଦ୍ଦଶା ସର୍ବସାଧାରଣରେ ପ୍ରକାଶନରେ ପର୍ଯ୍ୟବଶିତ ରହିଥିଲା । ଆଜି ବ୍ରହ୍ମପୁର ଜନସାଧାରଣଙ୍କ ସାମୂହିକ ସମସ୍ୟା ବିଚାରବିମର୍ଷ ନିମନ୍ତେ ଦଶ-କୋଡ଼ିଏ ଜଣଙ୍କୁ ଏକାଠି କରି ସଭାସମିତି କରିବା ପାଇଁ ସ୍ଥାନ ଅଭାବ । ଯେଉଁ ସବୁ ସଭାଗୃହ ରହିଛି ସେଗୁଡ଼ିକୁ ବ୍ୟବହାର କରିବା ନିମନ୍ତେ ଉଚ୍ଚ ଦରରେ ଭଡ଼ା ଦେବାକୁ ପଡ଼ିଥାଏ । ବ୍ୟବସ୍ଥା ବିରୋଧରେ ଜନତାଙ୍କୁ ଏକଜୁଟ କରିବା ସଂଗ୍ରାମୀଙ୍କ ପାଖେ ପଇସା କୁଆଡୁ ଆସିବ ? ରାଜନୀତିକ ନେତୃବର୍ଗ କିମ୍ୱା ଧନଶାଳୀଙ୍କ ଠାରେ ଅର୍ଥ ପାଇଁ ଦ୍ୱାରସ୍ଥ ହେଲେ ସେ ନିଜ ଲାଭ କଥା ପ୍ରଥମେ ଉଠାଇବେ । ଏହି ପରିବେଶରେ ପ୍ରସ୍ତାବିତ ଗୋପବନ୍ଧୁ ଭବନରେ ଯଦି ୫୦ ଜଣ ବସିବା ଭଳି ଏକ ସଭାଗୃହ ସନ୍ନିବଶିତ କରାଯାଇ ଦାତବ୍ୟ ସୂତ୍ରରେ ସାମାଜିକ ଓ ସାଂସ୍କୃତିକ ସଂଗଠନଗୁଡ଼ିକୁ ଯୋଗାଇ ଦିଆଯାଇପାରନ୍ତା, ତେବେ ସ୍ଥାନୀୟ ଜନଜୀବନର ସୁରକ୍ଷା ଦିଗରେ ସହରବାସୀଙ୍କ ସାଙ୍ଗଠନିକ ଉଦ୍ୟମ ପ୍ରୋତ୍ସାହିତ ହୋଇପାରିବ । ‘ଗୋପବନ୍ଧୁ ଭବନ’ ବ୍ରହ୍ମପୁର ସହରବାସୀଙ୍କ ନିମନ୍ତେ ଅନ୍ୟତମ ପ୍ରଣକେନ୍ଦ୍ର ରୂପେ ଗଢ଼ି ଉଠିବ । ଏଦିଗରେ ବାବୁ ରାଜେନ୍ଦ୍ର ଜେନା ଯତ୍ନବାନ ହେବା ଆଶା କରାଯାଇପାରେ ।
ଗୋପବନ୍ଧୁ ଦାସ ‘ସତ୍ୟବାଦୀ’ ନାମରେ ଏକ ମାସିକ ସାହିତ୍ୟ ପତ୍ରିକା ୧୯୧୫ ପ୍ରକାଶନ ଆରମ୍ଭ କରିଥିଲେ । ଏହା ବ୍ରହ୍ମପୁର ଆଶା ପ୍ରେସରେ ପ୍ରଥମ ଦୁଇ ବର୍ଷ ମୁଦ୍ରିତ ହୋଇଥିଲା । ପରେ ପୁରୀକୁ ମୁଦ୍ରଣ କାର୍ଯ୍ୟ ସ୍ଥାନାନ୍ତରିତ ହୋଇଥିଲା । ମାସିକ ‘ସତ୍ୟବାଦୀ’ର ସଫଳତାରେ ଉତ୍ସାହିତ ହୋଇ ଗୋପବନ୍ଧୁ ଦାସ ୧୯୧୯ରେ ସାପ୍ତାହିକ ସମ୍ୱାଦପତ୍ର ‘ସମାଜ’ ପ୍ରକାଶନ ଆରମ୍ଭ କରିଥିଲେ । ‘ସମାଜ’ ସତ୍ୟବାଦୀ ଓ ପୁରୀରେ ମୁଦ୍ରିତ ହୋଇ କଟକରେ ପହଞ୍ଚିଥିଲା । ଏହାହିଁ ଇତିହାସ ପୃଷ୍ଠାରେ ‘ସମାଜ’ ପ୍ରକାଶନ ସହ ବ୍ରହ୍ମପୁରର ସଂପୃକ୍ତି ।
ଗୋପବନ୍ଧୁ ଦାସଙ୍କ ଦ୍ୱାରା ‘ସମାଜ’ ପ୍ରତିଷ୍ଠିତ ହୋଇଥିଲେହେଁ ଗୋପବନ୍ଧୁ ଦାସଙ୍କ ଦ୍ୱାରା ନିଯୁକ୍ତ ପରିଚାଳକ ରାଧାନାଥ ରଥଙ୍କ ତତ୍ତ୍ୱାବଧାନରେ ‘ସମାଜ’ର ଉତ୍ତୋରୋତ୍ତର ଉନ୍ନତି ସାଧିତ ହୋଇଥିଲା । ରାଧାନାଥ ରଥଙ୍କ ବ୍ରହ୍ମପୁର ନେତୃବର୍ଗଙ୍କ ସହ ଗଭୀର ସଂପର୍କ ରହିଥିଲା । ପାର୍କସାହି ନିବାସୀ କବିରାଜ କାମାକ୍ଷୀ ପ୍ରସାଦ ଶର୍ମା ଓ ଟାଉନହଲ ରୋଡ଼ ନିବାସୀ ଏଡ଼ଭୋକେଟ ବସନ୍ତ କୁମାର ପାଣିଗ୍ରାହୀ ସେମାନଙ୍କ ମଧ୍ୟରେ ଦୁଇ ଘନିଷ୍ଠ ସହଯୋଗୀ । ଗଞ୍ଜାମର ଦୁଇ ପ୍ରମୁଖ ବ୍ୟକ୍ତିତ୍ୱ ବିଶ୍ୱନାଥ ଦାସ ଓ କିଶୋର ଚନ୍ଦ୍ର ତ୍ରିପାଠୀ ‘ସମାଜ’ର ପ୍ରକାଶକ ‘ଲୋକସେବକ ମଣ୍ଡଳ’ର ପ୍ରମୁଖ କର୍ମକର୍ତ୍ତା ରହିଆସିଥିଲେ । ପୂର୍ବତନ ମନ୍ତ୍ରୀ ଓ ବାଚସ୍ପତି ସୂର୍ଯ୍ୟନାରାୟଣ ପାତ୍ରଙ୍କ ପରିବାର ‘ସମାଜ’ର ଏଜେଣ୍ଟ ଏବଂ ପୂର୍ବତନ ଉପ-ବାଚସ୍ପତି ରାମଚନ୍ଦ୍ର ପଣ୍ଡା ‘ସମାଜ’ର ସ୍ୱତନ୍ତ୍ର ପ୍ରତିନିଧି ଭାବେ କାର୍ଯ୍ୟ କରିଥିଲେ । ସମକାଳରେ ବ୍ରହ୍ମପୁରର ସଂଗଠକ ରାଜେନ୍ଦ୍ର ଜେନା ‘ଲୋକ ସେବକ ମଣ୍ଡଳ’ର ଅବସ୍ଥାପିତ ତିନିଜଣ ଓଡ଼ିଆ ଆଜୀବନ ସଭ୍ୟଙ୍କ ମଧ୍ୟରୁ ଜଣେ । ପ୍ରକାଶ ଥାଉ ସର୍ବଭାରତୀୟସ୍ତରରେ କାର୍ଯ୍ୟରତ ‘ଲୋକସେବକ ମଣ୍ଡଳ’ରେ ବର୍ତ୍ତମାନ ମୋଟ ଆଜୀବନ ସଭ୍ୟ ସଂଖ୍ୟା ମାତ୍ର ଆଠ ।
ରାଜ୍ୟ ସରକାରଙ୍କ ପକ୍ଷରୁ ସାର୍ବଜନୀନ ଅନୁଷ୍ଠାନଗୁଡ଼ିକୁ ବିନାମୂଲ୍ୟ ବା ଅଳ୍ପମୂଲ୍ୟରେ ସରକାରୀ ଜମି ପ୍ରଦାନ ନୀତି ରହିଛି । ସେହି ଧାରାରେ ବ୍ରହ୍ମପୁର କରପୋରେସେନ ରୋଡ଼ଠାରେ ‘ଲୋକସେବକ ମଣ୍ଡଳ’କୁ ଗତ ଶତାଦ୍ଦୀ ସପ୍ତମ ଦଶକ ବେଳକୁ ଏକ ବଡ଼ ଜମି ପ୍ଲଟ ପ୍ରଦାନ କରାଯାଇଥିଲା । ଅବଶ୍ୟ ସେ ସମୟରେ କରପୋରେସନ ରୋଡ଼ ଏକ ଅବହେଳିତ ଅଞ୍ଚଳ ବିବେଚ଼ିତ ହେଉଥିଲା । ଭଲ ରାସ୍ତା ନଥିଲା । ଛତରାବନ୍ଧରେ ପୌରପାଳିକା ପକ୍ଷରୁ ଆବର୍ଜନା ଠୁଳ କରାଯାଉଥିଲା ଏବଂ ‘ଲୋକସେବକ ମଣ୍ଡଳ’ ପାଇଥିବା ଜମିଟି ଝମ୍ପୁଡ଼ିବାସୀଙ୍କ ଜବରଦଖଲ କବଜାରେ ଥିଲା । ଦୀର୍ଘ ପ୍ରଚେଷ୍ଟାରେ ଉକ୍ତ ଜମିକୁ ଜବରଦଖଲ ମୁକ୍ତ କରାଯାଇ ସୁଉଚ୍ଚ ପାଚ଼େରୀ ନିର୍ମାଣ ସଂଭବ ହୋଇଥିଲା ।
ଅବଶ୍ୟ ଇତ୍ୟଅବସରରେ କରପୋରେସନ ରୋଡ଼ ସହରର ଅନ୍ୟତମ ଅଭିଜାତ୍ୟପୂର୍ଣ୍ଣ ଠିକଣାରେ ପରିଣତ ହୋଇଛି । ତାମେୟା ବନ୍ଧ ପୋତି ‘ବିଜୁ ପଟ୍ଟନାୟକ ପାର୍କ’ ନିର୍ମାଣ ପରେ ଛତରାବନ୍ଧ ପୋତି ‘ଗଞ୍ଜାମ ହାଟ’ ମଲ ନିର୍ମାଣଧୀନ । ‘ଲୋକସେବକ ମଣ୍ଡଳ’ପକ୍ଷରୁ କରପୋରେସନ ରୋଡ଼ ଜମିରେ ‘ଗୋପବନ୍ଧୁ ଭବନ’ ନାମିତ ଦ୍ୱିତଳ କୋଠା ନିର୍ମାଣ ନିମନ୍ତେ ଜୁଲାଇ ପହିଲା ୨୦୨୩ରେ ଠିକାଦାର ନିଯୁକ୍ତି ପାଇଁ ବିଜ୍ଞାପନ ପ୍ରକାଶ ପାଇଥିଲା । ‘ଲୋକସେବକ ମଣ୍ଡଳ’ କରପୋରେସନ ରୋଡ଼ରେ ଜମି ପାଇବା ଦିନୁ ‘ଗୋପବନ୍ଧୁ ଭବନ’ ନିର୍ମାଣ ଓ ବ୍ରହ୍ମପୁରରୁ ‘ସମାଜ’ର ସଂସ୍କରଣ ମୁଦ୍ରଣର ଯେଉଁମାନେ ସ୍ୱପ୍ନ ଦେଖିଥିଲେ ଇତିମଧ୍ୟରେ ମରିହଜି ଗଲେଣି ।
ବ୍ରହ୍ମପୁରରେ ‘ଗୋପବନ୍ଧୁ ଭବନ’ ନିର୍ମାଣ ପରେ ଗିରି ରୋଡ଼ରେ ଭଡା ଘରେ ଚାଲୁଥିବା ‘ସମାଜ’ ଶାଖା କାର୍ଯ୍ୟାଳୟ ସ୍ଥାନାନ୍ତରିତ ହେବା ନିଶ୍ଚିତ । ‘ଲୋକସେବକ ମଣ୍ଡଳ’ର ରିଲିଫ ରାଜ୍ୟରେ ସକ୍ରିୟ । ଏଠାରେ ଦକ୍ଷିଣ ଓଡ଼ିଶା ଶାଖା କାର୍ଯ୍ୟାଳୟ ସ୍ଥାପିତ ହେବା ଆଶା କରାଯାଇପାରେ । ଗୋପବନ୍ଧୁ ଦାସ ‘ସମାଜ’ ସମ୍ୱାଦପତ୍ର ପ୍ରକାଶନର ମୂଳ ଉଦ୍ଦେଶ୍ୟ ଜନସାଧାରଣଙ୍କ ଦୁଃଖ ଦୁର୍ଦ୍ଦଶା ସର୍ବସାଧାରଣରେ ପ୍ରକାଶନରେ ପର୍ଯ୍ୟବଶିତ ରହିଥିଲା । ଆଜି ବ୍ରହ୍ମପୁର ଜନସାଧାରଣଙ୍କ ସାମୂହିକ ସମସ୍ୟା ବିଚାରବିମର୍ଷ ନିମନ୍ତେ ଦଶ-କୋଡ଼ିଏ ଜଣଙ୍କୁ ଏକାଠି କରି ସଭାସମିତି କରିବା ପାଇଁ ସ୍ଥାନ ଅଭାବ । ଯେଉଁ ସବୁ ସଭାଗୃହ ରହିଛି ସେଗୁଡ଼ିକୁ ବ୍ୟବହାର କରିବା ନିମନ୍ତେ ଉଚ୍ଚ ଦରରେ ଭଡ଼ା ଦେବାକୁ ପଡ଼ିଥାଏ । ବ୍ୟବସ୍ଥା ବିରୋଧରେ ଜନତାଙ୍କୁ ଏକଜୁଟ କରିବା ସଂଗ୍ରାମୀଙ୍କ ପାଖେ ପଇସା କୁଆଡୁ ଆସିବ ? ରାଜନୀତିକ ନେତୃବର୍ଗ କିମ୍ୱା ଧନଶାଳୀଙ୍କ ଠାରେ ଅର୍ଥ ପାଇଁ ଦ୍ୱାରସ୍ଥ ହେଲେ ସେ ନିଜ ଲାଭ କଥା ପ୍ରଥମେ ଉଠାଇବେ । ଏହି ପରିବେଶରେ ପ୍ରସ୍ତାବିତ ଗୋପବନ୍ଧୁ ଭବନରେ ଯଦି ୫୦ ଜଣ ବସିବା ଭଳି ଏକ ସଭାଗୃହ ସନ୍ନିବଶିତ କରାଯାଇ ଦାତବ୍ୟ ସୂତ୍ରରେ ସାମାଜିକ ଓ ସାଂସ୍କୃତିକ ସଂଗଠନଗୁଡ଼ିକୁ ଯୋଗାଇ ଦିଆଯାଇପାରନ୍ତା, ତେବେ ସ୍ଥାନୀୟ ଜନଜୀବନର ସୁରକ୍ଷା ଦିଗରେ ସହରବାସୀଙ୍କ ସାଙ୍ଗଠନିକ ଉଦ୍ୟମ ପ୍ରୋତ୍ସାହିତ ହୋଇପାରିବ । ‘ଗୋପବନ୍ଧୁ ଭବନ’ ବ୍ରହ୍ମପୁର ସହରବାସୀଙ୍କ ନିମନ୍ତେ ଅନ୍ୟତମ ପ୍ରଣକେନ୍ଦ୍ର ରୂପେ ଗଢ଼ି ଉଠିବ । ଏଦିଗରେ ବାବୁ ରାଜେନ୍ଦ୍ର ଜେନା ଯତ୍ନବାନ ହେବା ଆଶା କରାଯାଇପାରେ ।
Photo by Sam Moghadam Khamseh on Unsplash
No comments:
Post a Comment