#ବ୍ରହ୍ମପୁର ସନ୍ନିକଟ ଗୋପାଳପୁର ବେଳାଭୂମିରେ ‘ରାଡ଼ିସନ ହୋଟେଲ ଗୃପ’ ୨୦୨୪ ମଧ୍ୟଭାଗ ସୁଦ୍ଧା ହୋଟେଲ ବ୍ୟବସାୟ ଆରମ୍ଭ
କରୁଥିବା ପ୍ରକାଶ ପାଇଛି । ରାଡ଼ିସନ ହୋଟେଲ ଗୃପ ଏକ ଯୁକ୍ତରାଷ୍ଟ୍ର ଆମେରିକା-କେନ୍ଦ୍ରୀକ
ହସପିଟାଲିଟି କମ୍ପାନୀ । କାର୍ଲସନସ ନାମରେ ୧୯୬୨ରେ ଆରମ୍ଭ ହୋଇଥିବା ଏହି ହୋଟେଲ ଚେନ ଆନ୍ତର୍ଜାତିକସ୍ତରରେ
୧୨୦ରୁ ଉର୍ଦ୍ଧ୍ୱ ରାଷ୍ଟ୍ରରେ ୧୪୦୦ ହୋଟେଲକୁ ପରିବ୍ୟାପ୍ତ । ଭାରତରେ ବିଗତ ୨୫ ବର୍ଷ
ବ୍ୟବସାୟରେ ବିଭିନ୍ନ ପ୍ରାନ୍ତରେ ପ୍ରାୟ ୧୬୫ ଗୋଟି ହୋଟେଲ ସହବନ୍ଧିତ ହୋଇଛନ୍ତି । ଗୋପାଳପୁରରେ
ରାଡିସନ ହୋଟେଲ ବ୍ରାଣ୍ଡ ଉପସ୍ଥିତି ଆନ୍ତର୍ଜାତିକ ପର୍ଯ୍ୟଟକଙ୍କ ସାଙ୍ଗକୁ ଦେଶୀୟ
ପର୍ଯ୍ୟଟକଙ୍କୁ ଆକୃଷ୍ଟ କରିବା ନିମନ୍ତେ ଅଧିକା ସୁଯୋଗ ସୃଷ୍ଟି କରିବା ଆଶା କରାଯାଇପାରେ ।
ରାଡ଼ିସନ ହୋଟେଲ ମୁଖ୍ୟତଃ ଏକ ‘ଫ୍ରାଞ୍ଚାଇଜ’ କମ୍ପାନୀ ଭାବେ ପରିଚ଼ିତ । ଅର୍ଥାତ, ସ୍ଥାନୀୟ ନିବେଶକଙ୍କ ଦ୍ୱାରା ନିର୍ମିତ ହୋଟେଲଗୁଡ଼ିକର ପରିଚାଳନା ଓ ମାର୍କେଟିଂ ଦାୟିତ୍ୱ ଗ୍ରହଣ କରିଥାଏ । ଗୋପାଳପୁରରେ ଏକ ଓଡ଼ିଆ ଶିଳ୍ପ ଉଦ୍ୟୋଗୀ ‘ପଦ୍ମା ଇଷ୍ଟର୍ଣ୍ଣ ହୋଟେଲସ ପ୍ରାଇଭେଟ ଲିମିଟେଡ଼’ ଦ୍ୱାରା ଶହେ କଠୋରୀ ବିଶିଷ୍ଟ ହୋଟେଲ ନିର୍ମିତ ହୋଇଛି । ଏହି ସମ୍ପତ୍ତି ‘ରାଡ଼ିସନ’ ବ୍ରାଣ୍ଡରେ କାର୍ଯ୍ୟକରିବ । ‘ପ୍ରମୋଦ ଲେଣ୍ଡସ ଏଣ୍ଡ ରିସର୍ଟ’ ନାମିତ ଗୋପାଳପୁର ରାଡ଼ିସନ ସମୁଦ୍ର କୂଳରେ ଅବସ୍ଥିତ । ଏହା ‘ରାଡ଼ିସନ ଇଣ୍ଡିଭିଜୁଆଲସ’ ବର୍ଗରେ ଓଡ଼ିଶାର ପ୍ରଥମ ହୋଟେଲର ମାନ୍ୟତା ପାଇବ । ଏଠାରେ ପର୍ଯ୍ୟଟକମାନଙ୍କ ରହେଣୀ ପାଇଁ ସୁଟ ଓ ଭିଲାର ବ୍ୟବସ୍ଥା ରହିଛି । ଏତଦ୍ ବ୍ୟତୀତ ଘରୋଇ ସ୍ମିମିଂପୁଲ, ରେଷ୍ଟୁରାଣ୍ଟ, ବାର, ଫିଟନେସ ସେଣ୍ଟର, ସ୍ପା ଇତ୍ୟାଦିର ସୁବିଧା ଉପଲବ୍ଧ ।
ଗୋପାଳପୁର ସମୁଦ୍ରବେଳାର ଦକ୍ଷିଣ ପାର୍ଶ୍ୱରେ ‘ପ୍ରମୋଦ ଲେଣ୍ଡସ ଏଣ୍ଡ ରିସର୍ଟ’ ଗଢ଼ି ଉଠିଛି । ପାର୍ଶ୍ୱରେ ବ୍ରହ୍ମପୁର ଉନ୍ନୟନ କର୍ତ୍ତୃପକ୍ଷଙ୍କ ପକ୍ଷରୁ ‘ଗୋପାଳପୁର ଇକୋ-ରିଟ୍ରେଟ’ ନାମରେ ଅନ୍ୟ ଏକ ପର୍ଯ୍ୟଟକ ଆବାସ ନିର୍ମାଣ ସରିଥିଲେ ମଧ୍ୟ କାର୍ଯ୍ୟ ଆରମ୍ଭ କରିପାରି ନାହିଁ । ଏହି ଅଞ୍ଚଳ ବକ୍ସିପଲ୍ଲୀ ଅନ୍ତର୍ଭୁକ୍ତ । ‘ପ୍ରମୋଦ ଲେଣ୍ଡସ ଏଣ୍ଡ ରିସର୍ଟ’ କଠୋରୀ ଭଡ଼ା ‘ବୁକ ମାଇ ଟ୍ରିପ’ରେ ୨୧ ମାର୍ଚ୍ଚ ୨୦୨୪ ପ୍ରଦତ୍ତ ତଥ୍ୟ ଅନୁଯାୟୀ ଟିକସ ବ୍ୟତୀତ ପ୍ରାୟ ସାତ ହଜାର ଟଙ୍କା । ଗୋପାଳପୁରର ଅନ୍ୟାନ୍ୟ ଉଚ୍ଚ ବର୍ଗର ହୋଟେଲ ମଧ୍ୟରେ ‘ମେ’ଫେୟାର ପାମବିଚ଼’ କଠୋରୀ ଭଡ଼ା ପ୍ରାୟ ଏଗାର ହଜାର ଓ ‘ସ୍ୱସ୍ତି ପାମ ରିସର୍ଟ’ କଠୋରୀ ଭଡ଼ା ପ୍ରାୟ ତିନି ହଜାର ଟଙ୍କା । ଗୋପାଳପୁରରେ ‘ଜୋନ ବାଇ ଦି ପାର୍କ’, ‘ପିପଲ ସି ଭ୍ୟୁ’, ‘ସି-ମେରିଡ଼’, ‘ପାମ-ରିଗଲ’, ‘ସିନେରିଆ’ ଭଳି ରିସର୍ଟ ବିଗତ କିଛି ବର୍ଷି ମଧ୍ୟରେ ଆରମ୍ଭ ହୋଇଛି ।
ଗୋପାଳପୁର ସମୁଦ୍ର ବେଳାଭୂମିରେ ଉଚ୍ଚମାନର ରିସର୍ଟ ଓ ହୋଟେଲମାନ ଗଢ଼ି ଉଠିବା ସ୍ୱାଗତଯୋଗ୍ୟ । ଏତଦ୍ୱାରା ପର୍ଯ୍ୟଟକଙ୍କ ସଂଖ୍ୟା ବୃଦ୍ଧି ପାଇବ । ତେବେ ନିକଟ ଅତୀତ ଅଭିଜ୍ଞତାରୁ ଗୋପାଳପୁର ସହରକୁ ଆକର୍ଷଣୀୟ କରିବା ଦିଗରେ ସରକାରୀସ୍ତରରେ ବିଭିନ୍ନ କାର୍ଯ୍ୟକ୍ରମ ବିଫଳ ହେଉଥିବା ଅବସରରେ ସ୍ଥାନୀୟ ବଡ଼ ହୋଟେଲଗୁଡ଼ିକ ପକ୍ଷରୁ ସମ୍ମିଳିତ ପ୍ରଚେଷ୍ଟାରେ ରମଣୀୟ ଗଢ଼ିତୋଳିବା ଉଦ୍ୟମ କରାଯିବା ଉଚ଼ିତ । ଉଦାହରଣରେ ଦୁଇଗୋଟି ଯୋଜନା ବିଚାର କରାଯାଇପାରେ ।
ପ୍ରଥମତଃ, ଦୀର୍ଘ ଦେଢ଼ ଶହ ବର୍ଷ ଧରି ଗୋପାଳପୁରର ଶାନ୍ତ ବେଳାଭୂମି ସାଙ୍ଗକୁ ଝାଉଁବଣ ପର୍ଯ୍ୟଟକଙ୍କ ପାଇଁ ଆକର୍ଷଣର କେନ୍ଦ୍ରବିନ୍ଦୁ ରହିଆସିଥିଲା । କୁହାଯାଏ ଯେ ଆସିକା ଚ଼ିନି କାରଖାନାର ମାଲିକ ଫେଡ୍ରେରିକ ମିଂଚନ ଗୋପାଳପୁରରେ ଝାଉଁବଣ ସୃଷ୍ଟି କରିବା ନିମନ୍ତେ ପ୍ରଥମେ ଉଦ୍ୟମ କରିଥିଲେ । ୧୮୬୫-୬୬ରେ ନଅଙ୍କ ଦୁର୍ଭିକ୍ଷ କାଳରେ ଅନାବୃଷ୍ଟି ଯୋଗୁଁ ପାରମ୍ପରିକ ଶସ୍ୟ ଉତ୍ପାଦନ ସଂଭବ ନହେବା କାରଣରୁ ବେଳାଭୂମିରେ ଝାଉଁବଣ ଉପକୂଳବାସୀଙ୍କୁ ସାମାନ୍ୟ ରୋଜଗାର ଯୋଗାଇବାରେ ସମର୍ଥ ହୋଇଥିଲା । ଝାଉଁ ଆଷ୍ଟ୍ରେଲିଆର ଗଛ । ଝାଉଁ ଗଛ ବିଶେଷ ପାଣି କିମ୍ୱା ରକ୍ଷଣାବେକ୍ଷଣ ଆବଶ୍ୟକ କରେ ନାହିଁ ଏବଂ ଗୋପାଳପୁର ଜଳବାୟୁ ଅନୁକୂଳ ଥିବା ପ୍ରମାଣିତ । ହୋଟେଲଗୁଡ଼ିକ ପକ୍ଷରୁ ବ୍ୟାପକ ଝାଉଁବଣ ଦ୍ୱାରା ସବୁଜିମା ସୃଷ୍ଟି କରାଯାଇପାରିଲେ ତାହା ପରିବେଶ ଅନୁକୂଳ ହେବା ସାଙ୍ଗକୁ ପର୍ଯ୍ୟଟକଙ୍କୁ ମଧ୍ୟ ଆକର୍ଷିତ କରିବ ।
ଦ୍ୱିତୀୟତଃ, ଗୋପାଳପୁର ବେଳାଭୂମି ଛାଡ଼ି ଦେଲେ ଛୋଟିଆ ସହରର ବଜାର-ଘାଟରେ ପର୍ଯ୍ୟଟକ ପହଞ୍ଚନ୍ତି । ପୁରୁଣା ବସଷ୍ଟାଣ୍ଡରୁ ବେଳାଭୂମିକୁ ଗଡ଼ାଣିଆ ରାସ୍ତା ଦୁଇ ପାର୍ଶ୍ୱରେ ଘରଦ୍ୱାର ରହିଛି । ସେଗୁଡ଼ିକୁ ଯଦି ରଙ୍ଗ-ବେରଙ୍ଗ କରିବା ଲାଗି ଉଦ୍ୟମ କରାଯାଇଥାନ୍ତା, ତେବେ ଛୋଟିଆ ସହରଟି ବେଶ ମନୋରମ ରୂପ ଧାରଣ କରନ୍ତା । ୟୁରୋପ ଓ ଅନ୍ୟାନ୍ୟ ଅଞ୍ଚଳରେ କେତେକ ପର୍ଯ୍ୟଟନ ସହରରେ ଗୃହ କାନ୍ଥବାଡ଼ଗୁଡ଼ିକୁ ଏଭଳି ରଂଗାୟିତ କରାଯାଇଥିବା ଇଣ୍ଟରନେଟରେ ଦେଖିବାକୁ ମିଳେ । ଏ ଦିଗରେ ମନୋନିବେଶ ଭବିଷ୍ୟତ ପର୍ଯ୍ୟଟନ ବିକାଶ ନିମନ୍ତେ ଗୁରୁତ୍ୱ ବହନ କରିବ ନିଶ୍ଚୟ !
ରାଡ଼ିସନ ହୋଟେଲ ମୁଖ୍ୟତଃ ଏକ ‘ଫ୍ରାଞ୍ଚାଇଜ’ କମ୍ପାନୀ ଭାବେ ପରିଚ଼ିତ । ଅର୍ଥାତ, ସ୍ଥାନୀୟ ନିବେଶକଙ୍କ ଦ୍ୱାରା ନିର୍ମିତ ହୋଟେଲଗୁଡ଼ିକର ପରିଚାଳନା ଓ ମାର୍କେଟିଂ ଦାୟିତ୍ୱ ଗ୍ରହଣ କରିଥାଏ । ଗୋପାଳପୁରରେ ଏକ ଓଡ଼ିଆ ଶିଳ୍ପ ଉଦ୍ୟୋଗୀ ‘ପଦ୍ମା ଇଷ୍ଟର୍ଣ୍ଣ ହୋଟେଲସ ପ୍ରାଇଭେଟ ଲିମିଟେଡ଼’ ଦ୍ୱାରା ଶହେ କଠୋରୀ ବିଶିଷ୍ଟ ହୋଟେଲ ନିର୍ମିତ ହୋଇଛି । ଏହି ସମ୍ପତ୍ତି ‘ରାଡ଼ିସନ’ ବ୍ରାଣ୍ଡରେ କାର୍ଯ୍ୟକରିବ । ‘ପ୍ରମୋଦ ଲେଣ୍ଡସ ଏଣ୍ଡ ରିସର୍ଟ’ ନାମିତ ଗୋପାଳପୁର ରାଡ଼ିସନ ସମୁଦ୍ର କୂଳରେ ଅବସ୍ଥିତ । ଏହା ‘ରାଡ଼ିସନ ଇଣ୍ଡିଭିଜୁଆଲସ’ ବର୍ଗରେ ଓଡ଼ିଶାର ପ୍ରଥମ ହୋଟେଲର ମାନ୍ୟତା ପାଇବ । ଏଠାରେ ପର୍ଯ୍ୟଟକମାନଙ୍କ ରହେଣୀ ପାଇଁ ସୁଟ ଓ ଭିଲାର ବ୍ୟବସ୍ଥା ରହିଛି । ଏତଦ୍ ବ୍ୟତୀତ ଘରୋଇ ସ୍ମିମିଂପୁଲ, ରେଷ୍ଟୁରାଣ୍ଟ, ବାର, ଫିଟନେସ ସେଣ୍ଟର, ସ୍ପା ଇତ୍ୟାଦିର ସୁବିଧା ଉପଲବ୍ଧ ।
ଗୋପାଳପୁର ସମୁଦ୍ରବେଳାର ଦକ୍ଷିଣ ପାର୍ଶ୍ୱରେ ‘ପ୍ରମୋଦ ଲେଣ୍ଡସ ଏଣ୍ଡ ରିସର୍ଟ’ ଗଢ଼ି ଉଠିଛି । ପାର୍ଶ୍ୱରେ ବ୍ରହ୍ମପୁର ଉନ୍ନୟନ କର୍ତ୍ତୃପକ୍ଷଙ୍କ ପକ୍ଷରୁ ‘ଗୋପାଳପୁର ଇକୋ-ରିଟ୍ରେଟ’ ନାମରେ ଅନ୍ୟ ଏକ ପର୍ଯ୍ୟଟକ ଆବାସ ନିର୍ମାଣ ସରିଥିଲେ ମଧ୍ୟ କାର୍ଯ୍ୟ ଆରମ୍ଭ କରିପାରି ନାହିଁ । ଏହି ଅଞ୍ଚଳ ବକ୍ସିପଲ୍ଲୀ ଅନ୍ତର୍ଭୁକ୍ତ । ‘ପ୍ରମୋଦ ଲେଣ୍ଡସ ଏଣ୍ଡ ରିସର୍ଟ’ କଠୋରୀ ଭଡ଼ା ‘ବୁକ ମାଇ ଟ୍ରିପ’ରେ ୨୧ ମାର୍ଚ୍ଚ ୨୦୨୪ ପ୍ରଦତ୍ତ ତଥ୍ୟ ଅନୁଯାୟୀ ଟିକସ ବ୍ୟତୀତ ପ୍ରାୟ ସାତ ହଜାର ଟଙ୍କା । ଗୋପାଳପୁରର ଅନ୍ୟାନ୍ୟ ଉଚ୍ଚ ବର୍ଗର ହୋଟେଲ ମଧ୍ୟରେ ‘ମେ’ଫେୟାର ପାମବିଚ଼’ କଠୋରୀ ଭଡ଼ା ପ୍ରାୟ ଏଗାର ହଜାର ଓ ‘ସ୍ୱସ୍ତି ପାମ ରିସର୍ଟ’ କଠୋରୀ ଭଡ଼ା ପ୍ରାୟ ତିନି ହଜାର ଟଙ୍କା । ଗୋପାଳପୁରରେ ‘ଜୋନ ବାଇ ଦି ପାର୍କ’, ‘ପିପଲ ସି ଭ୍ୟୁ’, ‘ସି-ମେରିଡ଼’, ‘ପାମ-ରିଗଲ’, ‘ସିନେରିଆ’ ଭଳି ରିସର୍ଟ ବିଗତ କିଛି ବର୍ଷି ମଧ୍ୟରେ ଆରମ୍ଭ ହୋଇଛି ।
ଗୋପାଳପୁର ସମୁଦ୍ର ବେଳାଭୂମିରେ ଉଚ୍ଚମାନର ରିସର୍ଟ ଓ ହୋଟେଲମାନ ଗଢ଼ି ଉଠିବା ସ୍ୱାଗତଯୋଗ୍ୟ । ଏତଦ୍ୱାରା ପର୍ଯ୍ୟଟକଙ୍କ ସଂଖ୍ୟା ବୃଦ୍ଧି ପାଇବ । ତେବେ ନିକଟ ଅତୀତ ଅଭିଜ୍ଞତାରୁ ଗୋପାଳପୁର ସହରକୁ ଆକର୍ଷଣୀୟ କରିବା ଦିଗରେ ସରକାରୀସ୍ତରରେ ବିଭିନ୍ନ କାର୍ଯ୍ୟକ୍ରମ ବିଫଳ ହେଉଥିବା ଅବସରରେ ସ୍ଥାନୀୟ ବଡ଼ ହୋଟେଲଗୁଡ଼ିକ ପକ୍ଷରୁ ସମ୍ମିଳିତ ପ୍ରଚେଷ୍ଟାରେ ରମଣୀୟ ଗଢ଼ିତୋଳିବା ଉଦ୍ୟମ କରାଯିବା ଉଚ଼ିତ । ଉଦାହରଣରେ ଦୁଇଗୋଟି ଯୋଜନା ବିଚାର କରାଯାଇପାରେ ।
ପ୍ରଥମତଃ, ଦୀର୍ଘ ଦେଢ଼ ଶହ ବର୍ଷ ଧରି ଗୋପାଳପୁରର ଶାନ୍ତ ବେଳାଭୂମି ସାଙ୍ଗକୁ ଝାଉଁବଣ ପର୍ଯ୍ୟଟକଙ୍କ ପାଇଁ ଆକର୍ଷଣର କେନ୍ଦ୍ରବିନ୍ଦୁ ରହିଆସିଥିଲା । କୁହାଯାଏ ଯେ ଆସିକା ଚ଼ିନି କାରଖାନାର ମାଲିକ ଫେଡ୍ରେରିକ ମିଂଚନ ଗୋପାଳପୁରରେ ଝାଉଁବଣ ସୃଷ୍ଟି କରିବା ନିମନ୍ତେ ପ୍ରଥମେ ଉଦ୍ୟମ କରିଥିଲେ । ୧୮୬୫-୬୬ରେ ନଅଙ୍କ ଦୁର୍ଭିକ୍ଷ କାଳରେ ଅନାବୃଷ୍ଟି ଯୋଗୁଁ ପାରମ୍ପରିକ ଶସ୍ୟ ଉତ୍ପାଦନ ସଂଭବ ନହେବା କାରଣରୁ ବେଳାଭୂମିରେ ଝାଉଁବଣ ଉପକୂଳବାସୀଙ୍କୁ ସାମାନ୍ୟ ରୋଜଗାର ଯୋଗାଇବାରେ ସମର୍ଥ ହୋଇଥିଲା । ଝାଉଁ ଆଷ୍ଟ୍ରେଲିଆର ଗଛ । ଝାଉଁ ଗଛ ବିଶେଷ ପାଣି କିମ୍ୱା ରକ୍ଷଣାବେକ୍ଷଣ ଆବଶ୍ୟକ କରେ ନାହିଁ ଏବଂ ଗୋପାଳପୁର ଜଳବାୟୁ ଅନୁକୂଳ ଥିବା ପ୍ରମାଣିତ । ହୋଟେଲଗୁଡ଼ିକ ପକ୍ଷରୁ ବ୍ୟାପକ ଝାଉଁବଣ ଦ୍ୱାରା ସବୁଜିମା ସୃଷ୍ଟି କରାଯାଇପାରିଲେ ତାହା ପରିବେଶ ଅନୁକୂଳ ହେବା ସାଙ୍ଗକୁ ପର୍ଯ୍ୟଟକଙ୍କୁ ମଧ୍ୟ ଆକର୍ଷିତ କରିବ ।
ଦ୍ୱିତୀୟତଃ, ଗୋପାଳପୁର ବେଳାଭୂମି ଛାଡ଼ି ଦେଲେ ଛୋଟିଆ ସହରର ବଜାର-ଘାଟରେ ପର୍ଯ୍ୟଟକ ପହଞ୍ଚନ୍ତି । ପୁରୁଣା ବସଷ୍ଟାଣ୍ଡରୁ ବେଳାଭୂମିକୁ ଗଡ଼ାଣିଆ ରାସ୍ତା ଦୁଇ ପାର୍ଶ୍ୱରେ ଘରଦ୍ୱାର ରହିଛି । ସେଗୁଡ଼ିକୁ ଯଦି ରଙ୍ଗ-ବେରଙ୍ଗ କରିବା ଲାଗି ଉଦ୍ୟମ କରାଯାଇଥାନ୍ତା, ତେବେ ଛୋଟିଆ ସହରଟି ବେଶ ମନୋରମ ରୂପ ଧାରଣ କରନ୍ତା । ୟୁରୋପ ଓ ଅନ୍ୟାନ୍ୟ ଅଞ୍ଚଳରେ କେତେକ ପର୍ଯ୍ୟଟନ ସହରରେ ଗୃହ କାନ୍ଥବାଡ଼ଗୁଡ଼ିକୁ ଏଭଳି ରଂଗାୟିତ କରାଯାଇଥିବା ଇଣ୍ଟରନେଟରେ ଦେଖିବାକୁ ମିଳେ । ଏ ଦିଗରେ ମନୋନିବେଶ ଭବିଷ୍ୟତ ପର୍ଯ୍ୟଟନ ବିକାଶ ନିମନ୍ତେ ଗୁରୁତ୍ୱ ବହନ କରିବ ନିଶ୍ଚୟ !
Image from : https://maps.app.goo.gl/3KsRAKBM7M3rmEbL8
No comments:
Post a Comment